କରୋନାର ନୂଆ ଭାରିଆଣ୍ଟ: ୩ ଜଣରେ ନେଉଛି ଜଣଙ୍କ ଜୀବନ

ନୂଆଦିଲ୍ଲୀ: ଆଶା ଥିଲା ଓମିକ୍ରନ ଭାରିଆଣ୍ଟ ପରେ କରୋନାର ପ୍ରକୋପ କମିବ ଓ ଏହା ସାଧାରଣ ଫ୍ଲ୍ୟୁରେ ପରିଣତ ହୋଇଯିବ । ଯାହାକୁ ନେଇ ବିଶ୍ବବାସୀ ଆଶ୍ୱସ୍ତ ହୋଇଥିଲେ । ହେଲେ ଏବେ ଯେଉଁ ଖବର ଆସୁଛି ଶୁଣିଲେ ଆପଣଙ୍କ ପାଦ ତଳୁ ମାଟି ଖସିଯିବ । ଚିହ୍ନଟ ହୋଇଥିବା ନୂଆ ଭାରିଆଣ୍ଟ ସାକ୍ଷାତ କାଳ । ୩୩ ପ୍ରତିଶତ ସଂକ୍ରମିତଙ୍କ ଜୀବନ ନେବାକୁ ସକ୍ଷମ । ଅର୍ଥାତ ପ୍ରତି ୩ ଜଣ ସଂକ୍ରମିତଙ୍କ ମଧ୍ୟରୁ ଜଣଙ୍କ ମୃତ୍ୟୁ ହେଉଛି । ଏହି ନୂଆ ଭାରିଆଣ୍ଟର ନାଁ ’NeoCov’ ରଖାଯାଇଛି । ଯାହା ଦକ୍ଷିଣ ଆଫ୍ରିକାରେ ଚିହ୍ନଟ ହୋଇଛି । ଚୀନର ଉହାନ ସହର ବୈଜ୍ଞାନକ ଏହି ଭାରିଆଣ୍ଟକୁ ଚିହ୍ନଟ କରିଛନ୍ତି ।

ତେବେ ଏହି ’NeoCov’ ଭାଇରସ ନୂଆ ନୁହେଁ । ୨୦୧୨ ଓ ୨୦୧୫ରେ ପଶ୍ଚିମ ଏସିଆ ଦେଶରେ ଏହା ଦେଖିବାକୁ ମିଳିଥିଲା । ଏହା SARS-CoV-9 ପରି ମଣିଷଙ୍କୁ କରୋନା ସଂକ୍ରମିତ କରାଯାଉଛି । ଦକ୍ଷିଣ ଆଫ୍ରିକାର ମିଳିଥିବା ଏହି ନୂଆ NeoCov ବାଦୁଡ଼ିଙ୍କ ଶରୀରରେ ଦେଖିବାକୁ ମିଳିଛି । ଯାହା ଏପର୍ଯ୍ୟନ୍ତ ମଣିଷଙ୍କ ଦେହରେ ଚିହ୍ନଟ ହୋଇନାହିଁ ।

ବାୟୋରେକ୍ସଭି ୱେବସାଇଟରେ ପ୍ରକାଶିତ ରିପୋର୍ଟ ଅନୁସାରେ NeoCoV ଓ ଏହାର ସହଯୋଗୀ PDF-2180-CoV ମଣିଷଙ୍କୁ ସଂକ୍ରମିତ କରିପାରେ । ଉହାନ ବିଶ୍ୱବିଦ୍ୟାଳୟ ଓ ଚାଇନିଜ ଏକାଡେମୀ ଅଫ ସାଇନ୍ସର ଗବେଶଷଙ୍କ ଅନୁସାରେ କରୋନାର ଏହି ନୂଆ ଭାଇରସକୁ ମଣିଷ ଦେହରେ ସଂକ୍ରମିତ ହେବାକୁ କେବଳ ଗୋଟିଏ ମ୍ୟୁଟେସନ ଆବଶ୍ୟକ । ଏହା ସଂକ୍ରମିତ ହେଲେ ଅଧିକାଂଶ ଆକ୍ରାନ୍ତଙ୍କ ମୃତ୍ୟୁ ଘଟିବ ।
ଋଷର ବାୟୋଲୋଜି ଓ ବାୟୋଟେକ୍ନୋଲୋଜି ବିଭାଗ ତରଫରୁ ମଧ୍ୟ NeoCoVକୁ ନେଇ ଏକ ରିପୋର୍ଟ ପ୍ରକାଶ ପାଇଛି । ଏଥିରେ କୁହାଯାଇଛି, ‘ବର୍ତ୍ତମାନ NeoCoV ପାଖରେ ମଣିଷ ଶରୀରରେ ସକ୍ରିୟ ଭାବେକୁ କ୍ଷମତା ନାହିଁ । ଏହା ଲୋକଙ୍କ ମଧ୍ୟରେ ସଂକ୍ରମିତ ହେବ କି ନାହିଁ ତାହା ପରେ ଜଣାପଡିବ । ହେଲେ ଏବେ ପ୍ରଶ୍ନ ଯଦି NeoCoV ସଂକ୍ରମିତ ହୁଏ ତେବେ ଓମିକ୍ରନ ଓ ଏହାର ସବ ଭାରିଆଣ୍ଟ BA.9କୁ ସାମ୍ନା କରୁଥିବା ବିଶ୍ୱ ଏହାର ମୁକାବିଲା କେମିତି କରିବ ? ’
ସେପଟେ ଡେନମାର୍କ ବିଶେଷଜ୍ଞଙ୍କ ଅନୁସାରେ ନୂଆ ଭାରିଆଣ୍ଟ NeoCoV ଯୋଗୁଁ ଓମିକ୍ରନର ଦୁଇଟି ପିକ୍ ଅଲଗା ଅଲଗା ସମୟରେ ଆସିପାରେ, ଯାହା ଚିନ୍ତା ବଢାଇଛି ।