ନେହେରୁ କପ୍ ଫାଇନାଲ ପାଲଟିଲା ରଣକ୍ଷେତ୍ର: ପଡ଼ିଆ ଭିତରେ ହକି ଷ୍ଟିକ୍ ଧରି ବାଡ଼ିଆବାଡ଼ି ହେଲେ ଖେଳାଳି

ନୂଆଦିଲ୍ଲୀ: ଖେଳ ବେଳେ ଆଗ୍ରେସନ ପ୍ରାୟତଃ ଖୁବ୍ ସାଧାରଣ କଥା । କିନ୍ତୁ ଏହି ଆଗ୍ରାସନକୁ କଣ୍ଟ୍ରୋଲ କରି ସଠିକ ଭାବେ ଖେଳିବା ହିଁ ପ୍ରକୃତ ଖେଳିଳାର ପରିଚୟ । ତେବେ ଖେଳ ଖେଳିବା ବେଳେ ଅନେକ ସମୟରେ ଆପଣ ଦୁଇ ଦଳ ମଧ୍ୟରେ ନୋକଝୋକ ତ ଦେଖିଥିବେ କିନ୍ତୁ ଏକ ହକି ମ୍ୟାଚରେ ଏଭଳି କିଛି ଘଟଣା ଘଟିଛି ଯାହା ଆପଣ ଦେଖିଲେ ଆଶ୍ଚର୍ଯ୍ୟ ହୋଇଯିବେ ।

ହକି ମ୍ୟାଚ ଚାଲିଥିବାବେଳେ ମୁହାଁମୁହିଁ ହେଲେ ଦୁଇ ଖେଳାଳି ଗୋଷ୍ଠୀ । ଏଭଳି କିଛି ଦୃଶ୍ୟ ଦେଖିବାକୁ ମିଳିଛି ନୂଆଦିଲ୍ଲୀରେ ଖେଳାଯାଇଥିବା ନେହେରୁ କପ ହକି ଫାଇନାଲରେ । ଗତକାଲି ପଞ୍ଜାବ ପୁଲିସ ଓ ପଞ୍ଜାବ ନ୍ୟାସନାଲ ବ୍ୟାଙ୍କ ମଧ୍ୟରେ ନେହରୁ କପ୍ ଫାଇନାଲ ଖେଳା ଯାଉଥିବା ବେଲେ ଦୁଇ ଦଳ ମୁହାଁମୁହିଁ ହୋଇଥିଲେ । ଏହି ଗଣ୍ଡଗୋଳର ଦୃଶ୍ୟ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଏଥିରେ ଦୁଇ ପକ୍ଷର ଖେଳାଳି ପରସ୍ପରକୁ ଜୋରଦାର ଆକ୍ରମଣ କରୁଛନ୍ତି । ପଞ୍ଜାବ ପୁଲିସର ଖେଳାଳି ଲାଲ ଜର୍ସିରେ ଥିବାବେଳେ ପଞ୍ଜାବ ନ୍ୟାସନାଲ ବ୍ୟାଙ୍କର ଖେଳାଳି ଧଳା ଜର୍ସିରେ ଅଛନ୍ତି ।

ହାତରେ ହକିଷ୍ଟକ ପଞ୍ଜାବ ପୋଲିସର ଖେଳି ମାନେ ପି.ଏନ.ବି ଖେଳାଳିଙ୍କୁ ଗୋଡାଉଛନ୍ତି । ପି.ଏନ.ବିର ଜଣେ ଖେଳାଳି ପଡିଆରେ ପଡିଯାଉ ଥିବାବେଳେ ତାଙ୍କୁ ହକି ଷ୍ଟିକରେ ପିଟାଯାଉଛି । ଏହି ଗଣ୍ଡଗୋଳରେ ଜଣେ ଓଡ଼ିଆ ଖେଳାଳି ସୁନୀଲ ଟପ୍ପୋ ମଧ୍ୟ ଆହତ ହୋଇଛନ୍ତି । ଏହି ଘଟଣା ପରେ ସଂପୃକ୍ତ ଟିମ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ପାଇଁ ଅଲମ୍ପିକ ସଂଘର ଅଧ୍ୟକ୍ଷ ଦାବି କରିଛନ୍ତି । ଏ ନେଇ ଟୁର୍ଣ୍ଣାମେଂଟର ଅଧିକାରୀଙ୍କରୁ ରିପୋର୍ଟ ଦେବା ପାଇଁ କୁହାଯାଇଛି ।