ନିଟ୍ ପାଇଁ ପହଞ୍ଚିଲେ ଛାତ୍ରଛାତ୍ରୀ, ସରକାରଙ୍କ ପକ୍ଷରୁ ଦିଆଗଲା ମାଗଣା ସେବା
1 min read
ଭୁବନେଶ୍ୱର: ରବିବାର ଆରମ୍ଭ ହେବାକୁ ଥିବା ନିଟ୍ ପରୀକ୍ଷା ପାଇଁ ଶନିବାର ମୟୂରଭଞ୍ଜ ଜିଲ୍ଲାର ୪୬ ଜଣ ଛାତ୍ରଛାତ୍ରୀଙ୍କୁ ସରକାରଙ୍କ ପକ୍ଷରୁ ମାଗଣା ପରିବହନ ସେବା ଯୋଗାଇ ଦିଆଯାଇଛି । ସେମାନେ କଟକ-ଭୁବନେଶ୍ୱର- ବାଲେଶ୍ୱରରେ ଯାଇ ପରୀକ୍ଷା ଦେବେ । ଛାତ୍ରଛାତ୍ରୀ ସେଠାରେ ପହଞ୍ଚିବା ପରେ କେଉଁଠି ରିହିବେ ସେନେଇ ସମସ୍ତ ବନ୍ଦୋବସ୍ଥ ହୋଇସାରିଛି । ଏହି ଛାତ୍ରଛାତ୍ରୀଙ୍କ ସହ ମୋଟ୍ ୨୯ ଜଣ ଅଭିଭାବକ ମଧ୍ୟ ସାମିଲ ଅଛନ୍ତି । ସେମାନଙ୍କ ପାଇଁ ମଧ୍ୟ ସରକାରଙ୍କ ପକ୍ଷରୁ ସମସ୍ତ ବ୍ୟବସ୍ଥା କରାଯାଇଛି । ୪୬ ଛାତ୍ରଛାତ୍ରୀଙ୍କ ମଧ୍ୟରୁ ୪୨ ଜଣ ପରୀକ୍ଷାର୍ଥୀ କେବଳ କଟକ-ଭୁବନେଶ୍ୱର ଯାଇଥିବା ବେଳେ ୪ ଜଣ ପରୀକ୍ଷାର୍ଥୀ ବାଲେଶ୍ଵର ଜିଲ୍ଲାକୁ ଯାଇଛନ୍ତି । ଏନେଇ ମୟୂରଭଞ୍ଜ ଜିଲ୍ଲାର ନୋଡାଲ ଅଫିସର ତଥା ପୂର୍ଣ୍ଣଚନ୍ଦ୍ର ଆଇଟିଆଇର ଅଧ୍ୟକ୍ଷ ସୂଚନା ଦେଇଛନ୍ତି ।
FILE PHOTO
ସେହିଭଳି ରାଉରକେଲା ସହରର ୫ଟି ପରୀଷା କେନ୍ଦ୍ର ରହିଛି । ମୋଟ୍ ୧୯୬୦ ଜଣ ଛାତ୍ରଛାତ୍ରୀ ପରୀକ୍ଷା ଦେବାକୁ ଥିବାବେଳେ ସରକାରୀ କଲେଜ ଓ ପରୀଷା କେନ୍ଦ୍ରରେ ୧୬୦ ଜଣ ଛାତ୍ରଛାତ୍ରୀ ପରୀକ୍ଷା ଦେଵେ । ରାଉରକେଲା ସହରର UGI ଇଞ୍ଜିନିୟରିଂ କଲେଜ ହଷ୍ଟେଲରେ ଛାତ୍ରଛାତ୍ରୀଙ୍କ ପାଇଁ ମାଗଣାରେ ରହିବାର ବ୍ୟବସ୍ଥା ସରକାର କରାଯାଇଛି । କୋଭିଡ୍ ନିୟମକୁ ପାଳନ କରାଯାଇ ପରୀକ୍ଷା ଅନୁଷ୍ଠିତ ହେବ ବୋଲି ସୁନ୍ଦରଗଡ଼ ଜିଲ୍ଲା ନୋଡାଲ ଅଫିସର ସୂଚନା ଦେଇଛନ୍ତି ।
ଅନ୍ୟପଟେ ନିଟ୍ ପରୀକ୍ଷାର୍ଥୀଙ୍କ ସୁବିଧା ପାଇଁ ପୂର୍ବତଟ ରେଳପଥ ଶନିବାର ଓ ରବିବାର ପାଇଁ ୪ ଯୋଡ଼ା ସ୍ୱତନ୍ତ୍ର ଟ୍ରେନର ବ୍ୟବସ୍ଥା କରିଛି । ଭଦ୍ରକରୁ ଭୁବନେଶ୍ୱରକୁ ଚାଲିବାକୁ ଥିବା ଟ୍ରେନ୍ ୧୨ ତାରିଖ ଅପରାହ୍ନ ୪ଟାରେ ଭଦ୍ରକ ଛାଡ଼ି ସନ୍ଧ୍ୟା ୭ଟା ୩୦ ମିନିଟରେ ଭୁବନେଶ୍ୱରରେ ପହଞ୍ଚିବ । ଟ୍ରେନ୍ ବୈତରଣୀ ରୋଡ୍, ହରିଦାସପୁର, ନିର୍ଗୁଣ୍ଡି ଓ କଟକ ଷ୍ଟେସନରେ ଅଟକିବ ।
FILE Photo
କେନ୍ଦୁଝର ଓ ଭୁବନେଶ୍ୱର ସ୍ୱତନ୍ତ୍ର ଟ୍ରେନ୍ ଅପରାହ୍ନ ୪ଟାରେ କେନ୍ଦୁଝରରୁ ବାହାରି ସନ୍ଧ୍ୟା ୭ଟା ୪୫ରେ ଭୁବନେଶ୍ୱରେ ପହଞ୍ଚିବ ଓ ଫେରିବା ପଥରେ ୧୩ ତାରିଖରେ ୭ଟା ୩୦ରେ ରାଜଧାନୀରୁ ଗସ୍ତ ଆରମ୍ଭ କରି ୧୧ଟା ୪୫ରେ କେନ୍ଦୁଝରଗଡ଼ରେ ପହଞ୍ଚିବ । ସେହିଭଳି ରାୟଗଡ଼ା ଓ ଖରିୟାର ରୋଡରୁ ସମ୍ୱଲପୁର ଯିବା ପାଇଁ ଦୁଇ ଯୋଡ଼ା ଟ୍ରେନର ବ୍ୟବସ୍ଥା କରାଯାଇଛି । ବିଶେଷ ଭାବେ ନିଟ୍ ପରୀକ୍ଷା ସମୟରେ ଛାତ୍ରଛାତ୍ରୀମାନଙ୍କ ଯାତ୍ରାକୁ ସ୍ୱାଭାବିକ୍ କରିବା ପାଇଁ ରେଳ ବିଭାଗ ପକ୍ଷରୁ ଏଭଳି ବ୍ୟବସ୍ଥା କରାଯାଇଛି ।
