ବିଶ୍ୱର ସର୍ବଶ୍ରେଷ୍ଠ ଜାଭେଲିନ ଫିଙ୍ଗାଳି ହେଲେ ନୀରଜ ଚୋପ୍ରା

ଭୁବନେଶ୍ୱର: ଭାରତର ଷ୍ଟାର ଜାଭେଲିନ ଫିଙ୍ଗାଳି ନୀରଜ ଚୋପ୍ରା ପୁଣିଥରେ ଅନ୍ତର୍ଜାତୀୟ ସ୍ତରରେ ସଫଳତା ଅର୍ଜନ କରିଛନ୍ତି । ବିଶ୍ୱର ନମ୍ବର ୱାନ୍ ଜାଭେଲିନ ଫିଙ୍ଗାଳି ହୋଇ ଇତିହାସ ରଚିଛନ୍ତି । ବିଶ୍ୱ ଏଥଲେଟିକ୍ସ ଦ୍ୱାରା ଜାରି କରାଯାଇଥିବା ତାଜା ରାଙ୍କିଂରେ ନୀରଜ ଚୋପ୍ରା ପୁରୁଷ ଜାଭେଲିନ ଥ୍ରୋ ପ୍ରତିଯୋଗିତାରେ ନମ୍ବର ୱାନ ଖେଳାଳି ହୋଇଛନ୍ତି । ଅଲିମ୍ପିକ ଚମ୍ପିଆନ ନୀରଜ ଚୋପ୍ରା ବିଶ୍ୱ ରାଙ୍କିଂରେ ନମ୍ବର ୱାନ୍ ସ୍ଥାନ ହାସଲ କରିବାରେ ପ୍ରଥମ ଭାରତୀୟ ଅଟନ୍ତି ।

ନୀରଜ ଚୋପ୍ରା ପ୍ରଥମଥର ୨୦୨୧ର ଟୋକିଓ ଅଲମ୍ପିକରେ ଟ୍ରାକ୍ ଆଣ୍ଡ ଫିଲ୍ଡ ଇଭେଣ୍ଟରେ ସ୍ୱର୍ଣ୍ଣ ପଦକ ଜିତିଥିଲା । ଷ୍ଟାର ଭାରତୀୟ ଜାଭେଲିନ ଫିଙ୍ଗାଳି ନୀରଜ ଆଣ୍ଡରସନ ପିଟର୍ସଙ୍କୁ ପଛରେ ପକାଇ ପ୍ରଥମ ସ୍ଥାନ ହାସଲ କରିଛନ୍ତି । ଲାଟେଷ୍ଟ ରାଙ୍କିଂ ଅନୁସାରେ ନୀରଜଙ୍କ ପାଖରେ ୧୪୫୫ ଏବଂ ଆଣ୍ଡରସନଙ୍କ ପାଖରେ ୧୪୩୩ ଅଙ୍କ ରହିଛି । ନୀରଜଙ୍କ ପାଖରେ ୨୨ ଅଙ୍କ ଅଧିକ ରହିଛି ।