ନନ୍ଦିଘୋଷ ବ୍ୟୁରୋ : ବିହାରରେ ଏନଡିଏର ବାଜିମାତ। ହେଲେ ପରବର୍ତ୍ତୀ ମୁଖ୍ୟମନ୍ତ୍ରୀ କିଏ ହେବେ ତାହାକୁ ନେଇ ଆରମ୍ଭ ହେଲାଣି ଅଙ୍କକଷା। ବଢୁଛି ସସପେନ୍ସ। ଗତ ୨୦୨୦ ନିର୍ବାଚନରେ ବିଜେପି ୮୦ ଓ ଜେଡିୟୁ ୪୫ ଆସନରେ ବିଜୟୀ ହୋଇଥିଲେ ବି ବିଗ ବ୍ରଦର ଭୂମିକା ନେଇଥିଲା ଜେଡିୟୁ। ଏପରିକି ନୀତୀଶଙ୍କୁ ମୁଖ୍ୟମନ୍ତ୍ରୀ କରିବାକୁ ବାଧ୍ୟ ହୋଇଥିଲା ବିଜେପି। ମାତ୍ର ଚଳିତ ନିର୍ବାଚନରେ ଓଲଟିଯାଇଛି ଗଣିତ। ଯଦିଓ ନୀତୀଶଙ୍କ ଜେଡିୟୁ ଗତ ୨୦୨୦ ନିର୍ବାଚନ ତୁଳନାରେ ପ୍ରାୟ ଦୁଇଗୁଣ ଆସନ ପାଇବାକୁ ସକ୍ଷମ ହୋଇଛନ୍ତି ତଥା ଚଳିତ ନିର୍ବାଚନରେ ବିଜେପିଠୁ ପ୍ରାୟ ୨୦ ଆସନରେ ପଛରେ ରହିଛି। ଫଳରେ ବିଜେପି ସାଜିଛି ବିଗ୍ ବ୍ରଦର। ଏବେ ନୀତୀଶଙ୍କୁ ବିଜେପି ମୁଖ୍ୟମନ୍ତ୍ରୀ ଆସନରେ ବସାଇବ ନା ଅନ୍ୟ କିଛି କରିବ ତାହାକୁ ନେଇ ସସପେନ୍ସ ସୃଷ୍ଟି ହୋଇଛି। ମହାରାଷ୍ଟ୍ର ଏପିସୋଡ ରିପିଟ ହେବ କି ନାହିଁ ତାହା ଉପରେ ରହିଛଇ ନଜର।
ବିହାର ବିଧାନସଭା ନିର୍ବାଚନରେ ଏନଡିଏର ବାଜିମାତ। ଫେଲ ମାରିଲା ମହାଗଠବନ୍ଧନର ରଣକୌଶଳ। ୨୪୩ ଆସନ ବିଶିଷ୍ଟ ବିଧାନସଭାରେ ଏକରକମ କ୍ଲିନ ସୁଇପ କରିଛି ଏନଡିଏ। ବହୁ ଆଘରୁ ପ୍ରାର୍ଥୀ ଘୋଷଣା, ସହଯୋଗୀ ଦଳ ମଧ୍ୟରେ ଉତ୍ତମ ବୁଝାମଣା, ସୁଚିନ୍ତିତ ରଣକୌଶଳ ବଳରେ ଏନଡିଏ କରିଛି ବାଜିମାତ। ବିଜେପି ଓ ଜେଡିୟୁ ୧୦୧ ଲେଖାଏଁ ଆସନରେ ଲଢିଥିବାବେଳେ ବିଜେପି ୯୦ରୁ ଅଧିକ ଓ ଜେଡିୟୁ ୮୦ରୁ ଅଧିକ ଆସନରେ ଆଗୁଆ ରହିଛନ୍ତି। ସେପଟେ ମହାଗଠବନ୍ଧନରେ ଆରଜେଡି ୨୬ ଓ କଂଗ୍ରେସ ମାତ୍ର ୫ ଆସନରେ ଜୀବନ ମରଣ ସମସ୍ୟାରେ ପଡିଛନ୍ତି। କଂଗ୍ରେସ ଓ ଆରଜେଡିର ବହୁ ହେଭିୱେଟ ପଛରେ ପଡିଛନ୍ତି। ମହୁଆ ଆସନରେ ଜନଶକ୍ତି ଜନତା ଦଳ ନେତା ତେଜପ୍ରତାପ ଯାଦବ ପ୍ରଥମରୁ ହିଁ ପଛରେ ଅଛନ୍ତି।
