ନନ୍ଦିଘୋଷ ବ୍ୟୁରୋ: ବିହାର ବିଧାନସଭା ନିର୍ବାଚନରେ ଏନଡିଏର କ୍ଲିନ ସୁଇପ୍। ୨୪୩ ଆସନ ବିଶିଷ୍ଟ ବିଧାନସଭା ନିର୍ବାଚନକୁ ପୂରା ପୋଛି ନେଇଛି ଏନଡିଏ। ୨୦୨ ଟି ସିଟ୍ ହାସଲ କରିଛି ଏହି ମେଣ୍ଟ। ବିଜେପି ୮୯ ଓ ଜେଡିୟୁ ୮୫ ସିଟ ଜିତିଛନ୍ତି। ସେହିପରି ମେଣ୍ଟର ଅନ୍ୟତମ ଅଂଶୀଦାର ଦଳ ଏଲଜେପି ୧୯ଟି ଓ ହାମ୍ ୫ଟି ସିଟରେ ଜିତିଛନ୍ତି। ବହୁ ଆଗରୁ ପ୍ରାର୍ଥୀ ଘୋଷଣା, ସହଯୋଗୀ ଦଳ ମଧ୍ୟରେ ଉତ୍ତମ ବୁଝାମଣା, ସୁଚିନ୍ତିତ ରଣକୌଶଳ ବଳରେ ଏନଡିଏ କରିଛି ବାଜିମାତ।
ବିଜେପି ଓ ଜେଡିୟୁ ୧୦୧ ଲେଖାଏଁ ଆସନରେ ଲଢିଥିଲେ। ସେପଟେ ମହାଗଠବନ୍ଧନରେ ଆରଜେଡି ୨୫ ଓ କଂଗ୍ରେସ ମାତ୍ର ୫ ଆସନରେ ଜିିିତିଛନ୍ତି। ସିିପିଆଇ ୨ଟି ଓ ସିପିଏମ୍ ଗୋଟିଏ ସିଟରେ ଜିତିଛନ୍ତି। ଅସାଦୁଦ୍ଦିନ ଓୱେସିଙ୍କ ଏମଆଇଏମ୍ ଜିତିଛି ୫ଟି ସିଟରେ । ମାୟାବତୀଙ୍କ ବିଏସପି ଜିତିଛି ଗୋଟିଏ ସିଟରେ। ରାଘୋପୁରରୁ ତେଜସ୍ବୀ ଯାଦବ, ଆଲିନଗରୀରୁ ମୈଥିଳୀ ଠାକୁର, ଗୟାଟାଉନରୁ ପ୍ରେମ କୁମାର, ଜାମୁଇରୁ ଶ୍ରେୟାସୀ ସିଂ, ତାରାପୁରରୁ ଉପମୁଖ୍ୟମନ୍ତ୍ରୀ ସମ୍ରାଟ ଚୌଧୁରୀ, ଝାଞ୍ଜରପୁରରୁ ନୀତୀଶ ମିଶ୍ରା ବିଜୟୀ ହୋଇଛନ୍ତି।
