ନବାବ ମଲିକଙ୍କ ଅଭିଯୋଗ, ‘ସେକ୍ସ ରାକେଟ ଚଳାଉଛନ୍ତି ଫ୍ୟାସନ ଟିଭିର ମୁଖ୍ୟ’

ମୁମ୍ବାଇ: ମହାରାଷ୍ଟ୍ର ସରକାରରେ ମନ୍ତ୍ରୀ ଥିବା ଏନସିପି ନେତା ନବାମ ମଲିକ ପୁଣି ଥର ବଡ଼ ଖୁଲାସା କରିଛନ୍ତି । କ୍ରୁଜ୍ ଡ୍ରଗ୍ସ ମାମଲାରେ ନୂଆ ଖୁଲାସା କରିଛନ୍ତି । ମଲିକ କହିଛନ୍ତି, କ୍ରୁଜ ପାର୍ଟିରେ ଉପସ୍ଥିତ ଥିବା ଦାଢ଼ିବାଲା ହେଉଛନ୍ତି ଫ୍ୟାସନ ଟିଭିର ଭାରତ ମୁଖ୍ୟ କାସିଫ୍ ଖାନ । ମଲିକ ଅଭିଯୋଗ କରିଛନ୍ତି, କାସିଫ୍ ଖାନ ଡ୍ରଗ୍ସ ପାର୍ଟିର ଆୟୋଜନ କରିଥିଲେ ଏବଂ ସେ ସେକ୍ସ ରାକେଟ ଚଳାଉଛନ୍ତି ।

ଏଥିସହ ପଢ଼ନ୍ତୁ: କାହିଁକି ବଦଳିଲା ଫେସବୁକ ନାଁ, ଆପଣଙ୍କ ଉପରେ କ’ଣ ପଡ଼ିବ ପ୍ରଭାବ ?

ଏହା ପରେ ବି ଏନସିବି କାସିଫଙ୍କୁ କ୍ରୁଜରୁ ଛାଡ଼ି ଦେଇଥିଲା । ମଲିକ ଆହୁରି ମଧ୍ୟ କହିଛନ୍ତି, କାସିଫ୍ ଓ ୱାଙ୍ଖଡେ ଭଲ ସାଙ୍ଗ । ଏଥିପାଇଁ କାସିଫଙ୍କୁ ଏନିସିବି ଛାଡ଼ି ଦେଇଛି । କାହିଁକି ସମୀର ୱାଙ୍ଖଡେ ଓ ତାଙ୍କ ଟିମ୍ କାସିଫଙ୍କୁ ଛାଡ଼ି ଦେଲେ ତାର ଏନିସିବି ଯାଞ୍ଚ କରୁ ବୋଲି କହିଛନ୍ତି ନବାବ ମଲିକ । ଏହା ପୂର୍ବରୁ ପ୍ରେସମିଟ୍ କରି ନବାବ ମଲିକ କହିଥିଲେ, କାସିଫଙ୍କ ଗର୍ଲଫ୍ରେଣ୍ଡ ମଧ୍ୟରେ କ୍ରୁଜରେ ଉପସ୍ଥିତ ଥିଲେ ।

ନବାବ ମଲିକ ଦାବି କରିଛନ୍ତି, ଆସିଫଙ୍କ ଆକାଉଣ୍ଟର ଏକ ଭିଡିଓ ପୋଷ୍ଟ ହୋଇଛି । ଯେଉଁଥିରେ ସନ୍ଧ୍ୟା ୬ଟା ୨୩ରେ ଆସିଫ ନିଜ ଗର୍ଲଫ୍ରେଣ୍ଡଙ୍କ ସହ କ୍ରୁଜରେ ରହିଛନ୍ତି । ଏହାକୁ ନେଇ ନବାବ ସମୀର ୱାଙ୍ଖଡେଙ୍କୁ ପ୍ରଶ୍ନ କରିଛନ୍ତି ।