ଦିଲ୍ଲୀର ଶାହିନବାଗ ଏବଂ ଜାମିୟାରେ NCB ରେଡ୍‌, ୩୫୦ କୋଟିର ହେରୋଇନ୍‌ ଜବତ

1 min read

ନୂଆଦିଲ୍ଲୀ: ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋକୁ ମିଳିଛି ଏକ ବଡ଼ ସଫଳତା ।  NCB ଡ୍ରଗ୍ସ ଚୋରା ଚାଲାଣର ଏକ ବଡ଼ ସିଣ୍ଡିକେଟର ପର୍ଦ୍ଦାଫାଶ କରିଛି, ଯେଉଁଥିରେ ଆଫଗାନ, ପାକିସ୍ତାନ୍‌ ଏବଂ ଭାରତର ମାଫିଆ ସାମିଲ ଅଛନ୍ତି ।  ଏହା ହେଉଛି ଏକ ଇଣ୍ଡୋ-ଆଫଗାନ୍‌ ସିଣ୍ଡିକେଟ୍‌ ।  ସୂଚନା ଅନୁସାରେ ଏନସିବି ପ୍ରାୟ ୩୫୦ କୋଟିର ହେରୋଇନ୍‌ ଜବତ କରିଛି ।

ଡିଡିଜି ଜ୍ଞାନେଶ୍ୱର ସିଂ କହିଛନ୍ତିଯେ, ସେମାନେ ଏକ ସିକ୍ରେଟ୍‌ ଅପରେସନ୍‌ ଆରମ୍ଭ କରିଥିଲେ ।  ଯାହାପରେ ଦିଲ୍ଲୀର ଶାହିନବାଗ ଏବଂ ଜାମିୟାରୁ ୫୦ କିଲୋଗ୍ରାମର ହେରୋଇନ୍‌ ଜବତ ହୋଇଛି । କେବଳ ସେତିକି ନୁହେଁ ବରଂ ଏହା ସହିତ ୩୦ ଲକ୍ଷ ନଗଦ କ୍ୟାଶ୍‌ ଏବଂ ଟଙ୍କା ଗଣା ମେସିନ୍‌ ମଧ୍ୟ ଜବତ ହୋଇଛି ।

ତଦନ୍ତ ପରେ ଜଣାପଡ଼ିଲାଯେ, ଏହି ହେରୋଇନ୍‌ ଗଛର ଡାଳରେ କ୍ୟାଭିଟି ଭଳି ଲୁଚାଇ ସମୂଦ୍ର ଏବଂ ପାକ୍‌ ସୀମା ଦେଇ ଭାରତରେ ପହଞ୍ଚିଥାଏ ।  ତେବେ ଭାରତରେ ଏହି ସିଣ୍ଡିକେଟର ଚେର ଦିଲ୍ଲୀ, ପଞ୍ଜାବ, ହରିୟାଣା ଏବଂ ଉତ୍ତରପ୍ରଦେଶ ପର୍ଯ୍ୟନ୍ତ ଲମ୍ବିଥିବା କହିଛନ୍ତି ଡିଡିଜି ।  ଏହା ପୂର୍ବରୁ ମଧ୍ୟ ଏହି ସିଣ୍ଡିକେଟ୍‌ ଭିନ୍ନ ଭିନ୍ନ ଉପାୟରେ ଏସବୁ ଅପରାଧ କରି ଆସୁଛି । ତେବେ ଏହା ସହିତ ଜଡ଼ିତ ଭାରତର ଜଣକୁ ଗିରଫ କରାଯାଇଛି । ଅନ୍ୟ ସହର ଗୁଡ଼ିକରେ ଛାନଭିନ୍‌ ଜାରି ରହିଛି ।  ତେବେ ଖୁବଶୀଘ୍ର ଏହି ସିଣ୍ଡିକେଟ ସହିତ ଜଡ଼ିତ କିଛି ବଡ଼ ଧରଣର ଖୁଲାସା କରିପାରେ ଏନସିବି ।

[DISPLAY_ULTIMATE_SOCIAL_ICONS]