୨ ହଜାର କୋଟି ଟଙ୍କାର ଡ୍ରଗ୍ସ କାରବାର ମାମଲା, ଫିଲ୍ମ ପ୍ରଡ୍ୟୁସର ଜାଫର ସାଦିକ ଗିରଫ
ନୂଆଦିଲ୍ଲୀ: ଡ୍ରଗ୍ସ କାରବାର ମାମଲାରେ ଫିଲ୍ମ ପ୍ରଡ୍ଯୁସ ଜାଫର ସାଦିକ ଗିରଫ। ବିଭିନ୍ନ ଦେଶକୁ ୨ ହଜାର କୋଟି ଟଙ୍କାର ଡ୍ରଗ୍ସ କାରବାର ମାମଲାରେ ଜାଫରଙ୍କୁ ଗିରଫ କରିଛି ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ । ଫିଲ୍ମ ନିର୍ମାତା ଜାଫର ସାଦିକ ଦଣେ ଦକ୍ଷିଣ ଭାରତୀୟ ଫିଲ୍ମ ପ୍ରଯୋଜକ । ଦୀର୍ଘ ଚାରି ମାସ ଧରି ସାଦିକଙ୍କୁ ଖୋଜିବା ପରେ ଶେଷରେ ଏନସିବି ଗିରଫ କରିବାକୁ ସଫଳ ହୋଇଛି ।
ଜାଫର ଭାରତ, ଅଷ୍ଟ୍ରେଲିଆ ଓ ନ୍ୟୁଜଲାଣ୍ଡକୁ ହେଉଥିବା ଡ୍ରଗ୍ସ ଚାଲାଣ ନେଟଓ୍ୱର୍କର ମୁଖ୍ୟ ଥିବା ଏନସିବି କହିଛି । ଫିଲ୍ମ ନିର୍ମାତାଙ୍କ ସମେତ ୩ ଜଣଙ୍କୁ ଏନ୍ସିବି ଏହି ମାମଲାରେ ଦିଲ୍ଲୀରୁ ଗିରଫ କରିଛି । ସେମମାନଙ୍କ ନିକଟରୁ ୫୦ କେଜିରୁ ଅଧିକ ଡ୍ରଗ୍ସ ଜବତ ହୋଇଛି ।
ଅଷ୍ଟ୍ରେଲିଆ ଓ ନ୍ୟୁଜିଲାଣ୍ଡରୁ ୨ ହଜାର କୋଟି ଟଙ୍କାର ଡ୍ରଗ୍ସ ଚାଲାଣ କରିଥିବା ନେଇ ଜାଫର ବିରୋଧରେ ଅଭିଯୋଗ ରହିଛି । ଅଭିଯୁକ୍ତମାନେ ବିଭିନ୍ନ ଦେଶକୁ ୪୫ରୁ ଅଧିକ ଥର ୩ ହଜାର ୫ ଶହ କେଜିର ନିଶାଦ୍ରବ୍ଯ ଚାଲାଣ କରିଛନ୍ତି । କାର୍ଗୋ ବିମାନ ଜରିଆରେ ଏହି ଡ୍ରଗ୍ସକୁ ବିଭିନ୍ନ ଖାଦ୍ୟ ସାମଗ୍ରୀ ଯେପରିକି ପ୍ରୋଟିନ୍ ପାଉଡର୍ ଓ ଶୁଖିଲା ନଡିଆ ଗୁଣ୍ଡରେ ଲୁଚାଇ ଚାଲାଣ କରାଯାଉଥିଲା ବୋଲି ଏନସିବି କହିଛି । ଏନସିବି ଓ ଦିଲ୍ଲୀ ପୋଲିସର ସ୍ୱତନ୍ତ୍ର ସେଲ୍ ଫିଲ୍ମ ନିର୍ମାତା ଜାଫର ସାଦିକଙ୍କୁ ଦୁଇ ସପ୍ତାହ ଧରି ଜେରା କରିବ । ଡ୍ରଗ୍ସ ଚାଲାଣ କରି ସାଦିକ କୋଟି କୋଟି ଟଙ୍କା ଅର୍ଜନ କରିଛନ୍ତି । ଏହି ଟଙ୍କାକୁ ସେ ନିଜ ଫିଲ୍ମ, କନଷ୍ଟ୍ରକ୍ସନ ସହ ଅନ୍ଯ କାମରେ ଲଗାଇଥିବା କହିଛି ଏନସିବି । ଦକ୍ଷିଣ ସିନେମାର ଜଣାଶୁଣା ପ୍ରଯୋଜକ ଜାଫର ସାଦିକ ବର୍ତ୍ତମାନ ସୁଦ୍ଧା ୪ଟି ଫିଲ୍ମ ତିଆରି କରିଛନ୍ତି ।
