ଇଣ୍ଟିମେଟ ସିନ୍ କରିବେନି ନୈନତାରା !

ବିବାହ ପରେ ନୂଆ ନିଷ୍ପତ୍ତି ନେଲେ ନୈନତାରା  । ବିବାହ ପରେ ସେ ନିର୍ଦ୍ଦେଶକ ସ୍ବାମୀଙ୍କ ସହ କ୍ବାଲିଟି ଟାଇମ ବିତାଇବେ । ବିବାହ ପରର ବ୍ରେକରୁ ଫେରି କିଙ୍ଗଖାନ ଶାହରୁଖଙ୍କ ସହ ଜବାନର ସୁଟିଂ ଆରମ୍ଭ କରିବେ  । କିନ୍ତୁ ସେ ନେଇଛନ୍ତି କିଛି ନୂଆ ନିଷ୍ପତ୍ତି  । ହେଲେ ଏନେଇ କିଛି ସ୍ପଷ୍ଟ କରିନାହାନ୍ତି ଏହି ସାଉଥ ସୁନ୍ଦରୀ  ।

ଶୁଣିବାକୁ ମିଳୁଛି ଏଣିକି ଇଣ୍ଟିମେଟ ସିନ କରିବେନି ନୈନତାରା  । ଫିଲ୍ମର କୌଣସି ସିନରେ ଅଭିନେତାଙ୍କ ସହ ଅନ୍ତରଙ୍ଗ ମୂହୁର୍ତ୍ତ ସୁଟ୍‌ ନ କରିବାକୁ ସେ ଚେଷ୍ଟା କରିବେ  । ସ୍କ୍ରିନରେ ଯେତେ ସମ୍ଭବ ସେ ଏଭଳି ସିନ ଠୁ ଦୂରରେ ରହିବେ  । ତାଙ୍କ ଆଗାମୀ ପ୍ରୋଜେକ୍ଟ ଜବାନରେ ଶାହରୁଖଙ୍କ ସହ ସେ ନଜର ଆସିବେ  । ଯଦିଓ କିଙ୍ଗଖାନ ରିଲରେ ରୋମାନ୍ସ କରିବାକୁ ପସନ୍ଦ କରନ୍ତି ନାହିଁ ନୈନତାରାଙ୍କୁ ମଧ୍ୟ ନୋ ଇଣ୍ଟିମାସୀ କ୍ଲଜ ପାଇଁ ବେଶୀ କଷ୍ଟ କରିବାକୁ ପଡିବ ନାହିଁ  ।

ଗତ ଜୁନ ୯ରେ ନିଜ ମନର ମଣିଷକୁ ଜୀବନସାଥୀ କରିଥିଲେ ନୈନତାରା  । ବିବାହ ପରେ ତିରୁପତି ଯାଇ ଭଗବାନଙ୍କ ଆଶୀର୍ବାଦ ନେଇଥିଲେ ନବଦମ୍ପତି  । ମନ୍ଦିର ଭିତରେ ଜୋତା ପିନ୍ଧି ଟ୍ରୋଲ ହୋଇଥିଲେ ନୈନତାରା  । ଏହି ଘଟଣା ପରେ ସମସ୍ତଙ୍କୁ କ୍ଷମା ମଧ୍ୟ ମାଗିଥିଲେ ନବଦମ୍ପତି  ।