କରୋନାରେ ମୃତ ବୃଦ୍ଧାଙ୍କ ମରଶରୀରକୁ ଶ୍ମଶାନରୁ ଉଠାଇ ଆଣିଲା ପ୍ରଶାସନ: ନୟାଗଡ଼କୁ କଲା ସ୍ଥାନାନ୍ତର

ନୟାଗଡ଼: ଶ୍ମଶାନରୁ ବୃଦ୍ଧାଙ୍କ ଶବକୁ ଉଠେଇନେଲା ପ୍ରଶାସନ । କରୋନାରେ ମୃତ୍ୟୁବରଣ କରିଥିବା ବୃଦ୍ଧାଙ୍କ ତରବରିଆ ଭାବେ ଗାଁ ଶ୍ମଶାନରେ ଦାହ କରିବାକୁ ଉଦ୍ୟମ ଚାଲିଥିଲା l ଏ ନେଇ ପ୍ରଶାସନ ଜାଣିପାରି ଶ୍ମଶାନରୁ ଶବକୁ ଉଠାଇ ଆଣି କୋଭିଡ ନିୟମ ଅନୁସାରେ ଅନ୍ତିମ ସତ୍କାର କରିଛି l ନୟାଗଡ଼ ଗଣିଆ ବ୍ଲକ ରାସଙ୍ଗ ପଞ୍ଚାୟତ କାଦୁଆର ଏ ଘଟଣା  ।  ପରିବାର ୫ ଜଣ ସଦସ୍ୟ କରୋନା ଆକ୍ରାନ୍ତ ଥିବାରୁ ସମସ୍ତେ ଗୃହ ସଙ୍ଗରୋଧରେ ଥିଲେ l ଗତକାଲି ବୃଦ୍ଧାଙ୍କ ମୃତ୍ୟୁ ହୋଇଥିଲା l ତେବେ ପ୍ରଶାସନକୁ ନଜଣାଇ ପରିବାର ଲୋକ, ରାତିରେ ଗାଁ ଶ୍ମଶାନରେ ଶବଦାହ ପାଇଁ ପ୍ରସ୍ତୁତି କରୁଥିଲେ l ଏପରିକି ଶବକୁ କାଠ ଦ୍ୱାରା ଆବଦ୍ଧ ସରିଥିଲା l ଶବରେ ନିଆଁ ଲାଗିବା ପୂର୍ବରୁ ଗଣିଆ ବ୍ଲକ ପ୍ରଶାସନ ପହଞ୍ଚି ଜବତ କରିଥିଲା l ଗଣିଆ ଅତିରିକ୍ତ ତହସିଲଦାରଙ୍କ ତତ୍ତ୍ବାବଧାନରେ ପୋଲିସ, କୋଭିଡ ଆମ୍ବୁଲାନ୍ସରେ ଯୋଗେ ନୟାଗଡ଼କୁ ସ୍ଥାନାନ୍ତରିତ କରିଛି  ।

ଏଥିସହିତ ପଢ଼ନ୍ତୁ: ୪ ଦିନ ପୂର୍ବେ କରାଇଥିଲେ କରୋନା ଟେଷ୍ଟ: ଆଜି ବାହା ବେଦୀରୁ ଉଠାଇ ନେଲା ପୋଲିସ