ହରିୟାଣାରେ ବିଜେପିର ତୃତୀୟ ପାଳି ଆରମ୍ଭ, ମୁଖ୍ୟମନ୍ତ୍ରୀ ଭାବେ ଶପଥ ନେଲେ ସୈନୀ

ଚଣ୍ଡିଗଡ଼: ହରିୟାଣାରେ ଆଜିଠାରୁ ନାଏବ ସିଂ ସୈନୀଙ୍କ ରାଜ୍ । ଦ୍ବିତୀୟ ଥର ଲାଗି ମୁଖ୍ଯମନ୍ତ୍ରୀ ଭାବେ ଶପଥ ନେଇଛନ୍ତି ସୈନୀ । ଉତ୍ସବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଗୃହମନ୍ତ୍ରୀ ଅମିତ ଶାହ, ବିଜେପି ସଭାପତି ଜେ.ପି. ନଡ୍ଡା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ସମେତ ବହୁ ହେଭିୱେଟ ହେଲେ ସାମିଲ । ଓଡ଼ିଶା ମୁଖ୍ଯମନ୍ତ୍ରୀ ମୋହନ ଚରଣ ମାଝୀଙ୍କ ସମେତ ବିଭିନ୍ନ ବିଜେପି ଶାସିତ ରାଜ୍ଯର ମୁଖ୍ଯମନ୍ତ୍ରୀ ଓ ଉପମୁଖ୍ଯମନ୍ତ୍ରୀ ବି ଶପଥ ସମାରୋହରେ ଥିଲେ ଉପସ୍ଥିତ ।

ସୈନୀଙ୍କ ସହ ଅନ୍ଯ ୧୩ ମନ୍ତ୍ରୀ ଶପଥ ନେଇଛନ୍ତି । ବରିଷ୍ଠ ମନ୍ତ୍ରୀ ଅନିଲ ଭିଜଙ୍କୁ ପୁଣି ମନ୍ତ୍ରିମଣ୍ଡଳରେ ସାମିଲ କରାଯାଇଛି । ମହର୍ଷି ବାଲ୍ମୀକିଙ୍କ ଜୟନ୍ତୀରେ ଏହି ଶପଥ ଗ୍ରହଣ ଉତ୍ସବ ଅନୁଷ୍ଠିତ ହୋଇଛି । ଗତ ମାର୍ଚ୍ଚରେ ବିଜେପି ମନୋହରଲାଲ ଖଟ୍ଟରଙ୍କୁ ହଟାଇ ସୈନୀଙ୍କୁ ମୁଖ୍ୟମନ୍ତ୍ରୀ କରିଥିଲା । ଗତ ନିର୍ବାଚନରେ ୯୦ ଆସନରୁ ୪୮ଟି ଜିତି ଲଗାତର ତୃତୀୟ ଥର ପାଇଁ ଶାସନ କ୍ଷମତା ଅକ୍ତିଆର କରିଥିଲା ବିଜେପି । କଂଗ୍ରେସକୁ ମିଳିଥିଲା ୩୭ ଆସନ ।