ଆଉ ଜଣେ ଯବାନଙ୍କୁ ଅପହରଣ କରିନେଲେ ମାଓବାଦୀ

ମାଲକାନଗିରି: ପୁଣି ବିଜାପୁରରେ ଡିଆରଜି ଯବାନଙ୍କୁ ଅପହରଣ କଲେ ମାଓବାଦୀ । ଅପହୃତ ଯବାନ ହେଲେ ମୁରଲୀ ତାତି । ମୁରଲୀଙ୍କୁ ଛତିଶଗଡ଼ ବିଜାପୁର ଜିଲ୍ଲା ଗଙ୍ଗାଲୁର ଥାନା ଅନ୍ତର୍ଗତ ପାଲନାର୍ ଅଞ୍ଚଳରୁ ନକ୍ସଲ ଅପହରଣ କରିନେଇଥିବା ଜଣାପଡ଼ିଛି ।

ଏଥିସହ ପଢ଼ନ୍ତୁ- ନକ୍ସଲ କ୍ୟାମ୍ପ ଉପରେ ଡ୍ରୋନରୁ ବୋମାମାଡ଼

ପୂର୍ବରୁ ଲାଲବାହିନୀ ଯବାନ ରାକେଶ୍ବର ସିଂଙ୍କୁ ଅପହରଣ କରି ନେଇଥିଲା । ତାଙ୍କୁ ବନ୍ଧକ ରଖି ସର୍ତ୍ତପୂରଣ ଦାବି କରିଥିଲା । ତେବେ ମଧ୍ୟସ୍ଥି ଜରିଆରେ ଆଲୋଚନା ପରେ ତାଙ୍କୁ ମୁକ୍ତ କରାଯାଇଥିଲା । ଏପ୍ରିଲ୍ ୩ରେ  ବିଜାପୁରରେ ହୋଇଥିବା ଗୁଳିବିନିମୟରେ ୨୨ଜଣ ଯବାନ ସହିଦ ହୋଇଥିଲେ । ଆଜି ପୁଣି ଥରେ ଯବାନଙ୍କୁ ଅପରହରଣ କରି ନିଜର ସ୍ଥିତି ଜାହିର କରିଛନ୍ତି ମାଓବାଦୀ ।