ଡିଜିପିଙ୍କ ଉପସ୍ଥିତିରେ ଆତ୍ମସମର୍ପଣ କଲେ ମାଓନେତ୍ରୀ

କୋରାପୁଟ: ପୋଲିସ୍ ଡିଜି ଅଭୟଙ୍କ ଦିନିକିଆ କୋରାପୁଟ ଓ ମାଲକାନଗିରି ଗସ୍ତ ଅବସରରେ ଆତ୍ମ ସମର୍ପଣ କଲେ ମାଓନେତ୍ରୀ । ଡିଜିପିଙ୍କ କୋରାପୁଟ ଜିଲ୍ଲା ଗସ୍ତବେଳେ ସୁନାବେଡାଠାରେ ଆତ୍ମ ସମର୍ପଣ କରିଛନ୍ତି ଫୁଲବତୀ ଉସେଣ୍ଡି । କନ୍ଧମାଳ ଥାନା ଗୁମୁଡି ଗାଁର ଫୁଲବତୀ ଏସିଏମର ସଦସ୍ୟ ଥିଲେ । ରାଜ୍ୟ ସରକାରଙ୍କ  ନିୟମାନୁଯାୟୀ ଆତ୍ମ ସମର୍ପଣ ମାଓବାଦୀଙ୍କୁ ସହାୟତା ଯୋଗାଇ ଦିଆଯିବ ବୋଲି କହିଛନ୍ତି ଡିଜିପି ।

କୋରାପୁଟ ଏସପି ବରୁଣ ଗୁଣ୍ଠପାଲି ଓ ନବରଙ୍ଗପୁର ଏସପି ପୁରୁଷୋତ୍ତମ ଦାଶଙ୍କୁ ଡିଜିପି ଡିସ୍କ ଆଓ୍ବାର୍ଡରେ ସମ୍ମାନୀତ କରିବା ସହ ବହୁ ପୋଲିସ କର୍ମଚାରୀଙ୍କୁ ପୁରସ୍କୃତ କରିଥିଲେ । ଆଗାମୀ ଦିନରେ ଗଞ୍ଜେଇ ଚାଷ ଓ ଚୋରାଚାଲାଣକୁ ମୂଳପୋଛ କରିବାରେ ପୋଲିସକୁ ସଫଳତା ମିଳିବ ବୋଲି ଆଶା ରଖିଥିବା କହିଛନ୍ତି ସେ ।

କୋରାପୁଟ ଜିଲ୍ଲା ଗସ୍ତ ପୂର୍ବରୁ ମାଲକାନଗିରି ଗସ୍ତ କରିଥିଲେ ଡିଜିପି । ଚିତ୍ରକୋଣ୍ଡା ଘନବେଡାରେ ନବନିର୍ମିତ ବିଏସଏଫ କ୍ୟାମ୍ପ ଶୁଭାରମ୍ଭ କରିଥିଲେ ଡିଜିପି । ଉଭୟ ଜିଲ୍ଲା ଗସ୍ତ ସମୟରେ ପୋଲିସ ଡିଜିଙ୍କ ସହ ଆଇଜି ଅପରେସନ ଅମିତାଭ ଠାକୁର, ଗୁଇନ୍ଦା ନିଦ୍ଦେର୍ଶକ ଲଳିତ ଦାସ, ଏଆଇଡବ୍ଲୁ ମୁଖ୍ୟ ଅନିରୁଦ୍ଧ ସିଂ ସମେତ ନବରଙ୍ଗପୁର ଏସପି ପୁରୁଷୋତ୍ତମ ଦାସ ଏବଂ କୋରାପୁଟ ଏସପି ବରୁଣ ଗୁଣ୍ଠପାଲ୍ଲୀ ପ୍ରମୁଖ ଉପସ୍ଥିତ ଥିଲେ ।