ନବରଙ୍ଗପୁରରେ ଭୁଷୁଡୁଛି ହାତ, ବିଜେଡିରେ ଭୀମ

ନବରଙ୍ଗପୁର: କଂଗ୍ରେସକୁ ଲାଗିଲା ବଡ଼ ଝଟକା । ପୌରାନିର୍ବାଚନ ନାମାଙ୍କନ ପ୍ରକ୍ରିୟା ଚାଲିଥିବା ବେଳେ କଂଗ୍ରେସରୁ ଇସ୍ତଫା ଦେଇ ବିଜେଡିରେ ସାମିଲ ହେଲେ ନବରଙ୍ଗପୁର ନଗର କଂଗ୍ରେସ ସଭାପତି ଭୀମ ହରିଜନ । ଭୀମ କଂଗ୍ରେସର ପ୍ରାଥମିକ ସଦସ୍ୟତା ସହ ସମସ୍ତ ପଦପଦବୀରୁ ଇସ୍ତଫା ଦେଇଛନ୍ତି । ଭୀମ ହରିଜନ ପୂର୍ବରୁ କାଉନସିଲର ଥିଲେ । ଏଥିସହ କଂଗ୍ରେସ ଦଳ ତରଫରୁ ନବରଙ୍ଗପୁର ପୌରାଞ୍ଚଳ ର ସମ୍ଭାବ୍ୟ ପ୍ରାର୍ଥୀ ତାଲିକାର ଶୀର୍ଷରେ ଥିବା ନେଇ ଚର୍ଚ୍ଚା ହେଉଥିଲା।

ତେବେ ସବୁ ଆକଳନକୁ ପଛକୁ ଠେଲି ଦେଇ କଂଗ୍ରେସ ଦଳରୁ ଇସ୍ତଫା ଦେଇଛନ୍ତି । ଭୀମ ହରିଜନଙ୍କ ସହ ଜିଲ୍ଲା କଂଗ୍ରେସ ସାଧାରଣ ସମ୍ପାଦକ ତାଜ ଇମ୍ରାନ୍ ସରିଫ ମଧ୍ୟ ଇସ୍ତଫା ଦେଇଛନ୍ତି । ବିଜେଡ଼ି ରେ ସାମିଲ ହେବା ପରେ ବିଜେଡିର ଶୃଙ୍ଖଳା ଓ ମୁଖ୍ୟମନ୍ତ୍ରୀ ନିର୍ମଳ ଭାବ ମୂର୍ତ୍ତୀ ସହ ଜିଲ୍ଲାର ନେତା ମାନଙ୍କ କାର୍ଯ୍ୟ କଳାପ ଅନୁପ୍ରାଣିତ ହୋଇ ଜିଲାର ଉନ୍ନତୀ ରେ ସାମିଲ ହେବା ପାଇଁ ବିଜେଡ଼ି ରେ ସାମିଲ ହୋଇଥିବା କହିଛନ୍ତି ଭୀମ ହରିଜନ । ମିଶ୍ରଣ ପର୍ବରେ ସାଂସଦ ତଥା ବିଜେଡି ଜିଲ୍ଲା ସଭାପତି ରମେଶ ମାଝୀ, ଓ ପ୍ରମୁଖ ନେତା ଉପସ୍ଥିତ ଥିଲେ ।