ଅଷ୍ଟଭୁଜା ଦେବୀଙ୍କ ରୂପରେ ପୂଜା ପାଆନ୍ତି ମାଆ କୁଶ୍ମାଣ୍ଡା, ଜାଣନ୍ତୁ କଣ ରହିଛି ମାନ୍ୟତା…
ନୂଆଦିଲ୍ଲୀ: ନବରାତ୍ରୀର ଚତୁର୍ଥ ଦିନରେ ମାତା କୁଶ୍ମଣ୍ଡାଙ୍କୁ ପୂଜା କରାଯାଇଥାଏ । ନିଜର ସ୍ମିତ ହସ ସହ ବ୍ରହ୍ମାଣ୍ଡ ସୃଷ୍ଟି କରିଥିବା କାରଣରୁ ତାଙ୍କୁ କୁଶ୍ମାଣ୍ଡା ନାଁରେ ସ୍ମରଣ କରାଯାଏ । କୁହାଯାଏ ଯେ ଯେତେବେଳେ ସୃଷ୍ଟି ଆରମ୍ଭ ହୋଇଥିଲା ସବୁଆଡେ ଅନ୍ଧକାର ଥିଲା । ତା’ପରେ ଦେବୀ କୁଶ୍ମାଣ୍ଡା ନିଜର ନିଜର ସ୍ମିତ ହସ ବ୍ରହ୍ମାଣ୍ଡକୁ ସୃଷ୍ଟି କରିଥିଲେ । ତେଣୁ, ସେ ସୃଷ୍ଟିର ଆଦିସ୍ୱରୂପ ହେବା ସହ ଆଦିଶକ୍ତି ମଧ୍ୟ । ସେ ଅନାହାତା ଚକ୍ରକୁ ନିୟନ୍ତ୍ରଣ କରିଥାଏ । ମାତାଙ୍କର ଆଠଟି ବାହୁ ଥିବାରୁ ତାଙ୍କୁ ଅଷ୍ଟାବୁଜା ଦେବୀ ଭାବରେ ମଧ୍ୟ ସ୍ମରଣ କରାଯାଏ । ଦେବୀଙ୍କୁ ପାଣି କଖାରୁ ବହୁ ପ୍ରିୟ ହୋଇଥାଏ ତେଣୁ ତାଙ୍କ ପାଖରେ ପାଣିକଖାରୁ ମଧ୍ୟ ବଳି ପଡ଼ିଥାଏ । ଜ୍ୟୋତିଷ ଶାସ୍ତ୍ରରେ ତାଙ୍କ ସମ୍ପର୍କ ବୁଧ ଗ୍ରହ ସହିତ ରହିଛି ।
ଦେବୀ କୁଶ୍ମଣ୍ଡାର ପୂଜା ବିଧି କ’ଣ ?
ସବୁଜ ପୋଷାକ ପିନ୍ଧି ମା କୁଶ୍ମାଣ୍ଡାଙ୍କୁ ପୂଜା କରନ୍ତୁ । ପୂଜା ସମୟରେ ମାତାଙ୍କୁ ସବୁଜ ଅଳେଇଚ, ପାନମଧୁରୀ କିମ୍ବା ପାଣିକଖାରୁ ଅର୍ପଣ କରନ୍ତୁ । ଏହା ପରେ, ମାଆଙ୍କ ମୁଖ୍ୟ ମନ୍ତ୍ର “ଓମ୍ କୁଶ୍ମାଣ୍ଡା ଦେବୈ ନମଃ” ୧୦୮ ଥର ଜପ କରନ୍ତୁ । ଯଦି ଆପଣ ଚାହାଁନ୍ତି, ସିଦ୍ଧ କୁଞ୍ଜିକା ସ୍ତୁତି ପାଠ କରନ୍ତୁ ।
ଅନାହାତା ଚକ୍ର ଦୁର୍ବଳ ହେଲେ କଣ ଅସୁବିଧା ହୋଇଥାଏ ?
– ହୃଦୟ ଏବଂ ଛାତି ସମସ୍ୟା
– ଚିନ୍ତା ସମସ୍ୟା
– ସବୁବେଳେ ଭୟ ଲାଗିବା ଭଳି ସମସ୍ୟା
– ନକାରାତ୍ମକ ଚିନ୍ତାଧାରା ଏବଂ ଖରାପ ଚିନ୍ତାଧାରାର ସମସ୍ୟା
ମନ ଏବଂ ଅନାହାତା ଚକ୍ରକୁ ମଜବୁତ କରିବା ପାଇଁ କ’ଣ କରିବା ଆବଶ୍ୟକ ?
ସବୁଜ ପୋଷାକ ପିନ୍ଧନ୍ତୁ । ଯଦି ସମ୍ଭବ, ସବୁଜ ଆସନରେ ବସନ୍ତୁ । ଏହା ପରେ ନିଜ ଗୁରୁଙ୍କୁ ପ୍ରଣାମ କରନିତୁ । ଏହା ପରେ, ଅନାହାତା ଚକ୍ର ଉପରେ ଥିବା ବିନ୍ଦୁରେ ଧ୍ୟାନ କେନ୍ଦ୍ରିତ କରନ୍ତୁ । ଧ୍ୟାନ ପରେ, ଏହି ଚକ୍ରକୁ ଶକ୍ତିଶାଳୀ କରିବା ପାଇଁ ନିଜ ଗୁରୁଙ୍କୁ ପ୍ରାର୍ଥନା କରନ୍ତୁ ।
