ପୁଣି ସୋନିଆଙ୍କୁ ପତ୍ର ଲେଖିଲେ ସିଦ୍ଧୁ, ଚାରି ପୃଷ୍ଠା କାଗଜରେ ଲେଖିଲେ ଏମିତି…

ନୂଆଦିଲ୍ଲୀ: ଏଆଇସିସି ସଭାନେତ୍ରୀ ସୋନିଆ ଗାନ୍ଧିଙ୍କୁ ପୁଣି ପତ୍ର ଲେଖିଲେ ପଞ୍ଜାବ ପିସିସି ସଭାପତି ନବଜୋତ ସିଂ ସିଦ୍ଧୁ । ବାରମ୍ବାର ମତ ବଦଳାଇବା ସହ ନିଷ୍ପତ୍ତି ପରିବର୍ତ୍ତନ କରୁଥିବା ସିଦ୍ଧୁ ଚାରି ପୃଷ୍ଠାର ଏକ ଲମ୍ବା ପତ୍ର ସୋନିଆଙ୍କ ନିକଟକୁ ପଠାଇଛନ୍ତି । ପଞ୍ଜାବ ସରକାର କେଉଁ କେଉଁ କ୍ଷେତ୍ରକୁ ଅଗ୍ରାଧିକାର ଦେବେ ସେସବୁ ପ୍ରସଙ୍ଗରେ ଏଥିରେ ସେ ଉଲ୍ଲେଖ କରିଛନ୍ତି । ରାଜ୍ୟରେ କଂଗ୍ରେସର ପୁର୍ନଜୀବନ ଲାଗି ଏହା ଶେଷ ସୁଯୋଗ ବୋଲି ସେ ଦର୍ଶାଇଛନ୍ତି ।

ସେ କହିଛନ୍ତି- ରାଜ୍ୟବାସୀଙ୍କ ଆଶା, ସ୍ବାର୍ଥକୁ ବିଚାରକୁ ନେଇ ସେ ଏହି ପତ୍ର ଲେଖିଛନ୍ତି । ସଂଗଠନର ଦାୟିତ୍ବ ତାଙ୍କୁ ଦିଆଯାଉଥିବାରୁ ଏହି ବିଷୟଗୁଡିକ ପ୍ରତି ଗୁରୁତ୍ବ ଦେବା ଲାଗି ସେ ସୋନିଆଙ୍କୁ ଅନୁରୋଧ କରିଛନ୍ତି । ଧର୍ମଗ୍ରନ୍ଥକୁ ଅବମାନନା ଘଟଣାରେ ନ୍ୟାୟ, ଡ୍ରଗ୍ସ ବିପତ୍ତି, କୃଷି ସମସ୍ୟା, ନିଯୁକ୍ତି ସୃଷ୍ଟି, ବାଲି ଉତ୍ତୋଳନ, ପଛୁଆ ବର୍ଗର ଉତଥାନ, ମଦ ଉପରେ କଟକଣା, ମହିଳା ଓ ଯୁବ ସଶକ୍ତିକରଣ ଆଦି ଉପରେ ଗୁରୁତ୍ବ ଦେବା ସହ ଏନେଇ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେବା ଲାଗି ସେ ସୋନିଆଙ୍କୁ ଅନୁରୋଧ କରିଛନ୍ତି ।