ଓଡ଼ିଶା ପାଇଁ ବିଜୁବାବୁଙ୍କ ସବୁଠୁ ବଡ଼ ଉପହାର ନବୀନ: ପ୍ରଣବ

Naveen Patnaik The Big Gift Of Late Biju Babu For Odisha Says Pranab

ଯାଜପୁର: ତିନୋଟି ଜିନିଷ ହେଉଛି ବିଜେଡିର ପୁଞ୍ଜି । ପ୍ରଥମ ବିଜୁ ବାବୁ ଯାହାଙ୍କ ନାଁରେ ପ୍ରତିଷ୍ଠା ହୋଇଛି ଦଳ । ବିଜୁବାବୁଙ୍କ ଆଦର୍ଶ, ନୀତି, କାର୍ଯ୍ୟକଳାପ ଧାରାକୁ ନେଇ ଦଳ ଠିଆ ହୋଇଛି । ୨୫ ତଳେ ମୁଖ୍ୟମନ୍ତ୍ରୀ ବିଜେଡିକୁ ତିଆରି କରିଥିଲେ ସାରା ଓଡ଼ିଶାକୁ ବିଶ୍ୱ ଦରବାରରେ ୧ ନମ୍ବର କରି ଗଢ଼ି ତୋଳିବାକୁ । ଯେଉଁଥିପାଇଁ ମୁଖ୍ୟମନ୍ତ୍ରୀ ସବୁବେଳେ କୁହନ୍ତି ମୁଁ ୧ ନମ୍ବର ହେଲେ ଖୁସି ନୁହେଁ, ଓଡ଼ିଶାକୁ ଯେଉଁଦିନ ୧ ନମ୍ବର କରି ଗଢ଼ି ତୋଳିଲେ ଖୁସି ହେବି ।

Naveen Patnaik The Big Gift Of Late Biju Babu For Odisha Says Pranab

ବିଜୁବାବଙ୍କୁ ଅଧୁରା ସ୍ୱପ୍ନକୁ ସାକାର କରିବାକୁ ଓଡ଼ିଶା ଚାଲି ଆସିଥିଲେ ନବୀନ ପଟ୍ଟନାୟକ । ସେବେ ଓଡ଼ିଶାର ନୂଆ ପରିଚୟ ସୃଷ୍ଟି ହୋଇଥିଲା, ଆଜି ୨୫ ବର୍ଷରେ ତାହା ସାରା ବିଶ୍ୱରେ ପ୍ରତିଷ୍ଠିତ ହୋଇଛି । ଆଗାମୀ ଦିନରେ ଇତିହାସ ଲେଖିବ ନବୀନଙ୍କ ପୂର୍ବର ଓଡ଼ିଶା କଣ ଥିଲା ଓ ନବୀନଙ୍କ ପରର ଓଡ଼ିଶାର ଇତିହାସ । ନବୀନ ସବୁବେଳେ କୁହନ୍ତି ସାଢ଼େ ଚାରିକୋଟି ଓଡ଼ିଆ ମୋ ପରିବାର, ସେ ଓଡ଼ିଶାକୁ ବିଶ୍ୱ ଦରବାରର ପରିଚିତ କରାଇଛନ୍ତି ।

ଏହି ଅବସରରେ ଦଳର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ କହିଛନ୍ତି, ଓଡ଼ିଶାକୁ ବିଜୁବାବୁଙ୍କ ସବୁଠୁ ମୂଲ୍ୟବାନ ଉପହାର ହେଉଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଜଗନ୍ନାଥ ଦେଶରେ ଜନ୍ମ ହୋଇ ନବୀନଙ୍କ ଭଳି ନେତୃତ୍ୱଙ୍କ ପାଖରେ କାମ କରି ନିଜକୁ ଧନ୍ୟ ମଣୁଥିବା କହିଛନ୍ତି ପ୍ରଣବ ପ୍ରକାଶ ଦାସ । ରାଜ୍ୟବ୍ୟାପୀ ବିଜେଡିର ୨୫ତମ ପ୍ରତିଷ୍ଠା ଦିବସ ପାଳନ ହେଉଥିବା ବେଳେ ଯାଜପୁରରେ ଦଳର କାର୍ଯ୍ୟକ୍ରମରେ ଯୋଗ ଦେଇ ଏଭଳି ମତ ରଖିଛନ୍ତି ପ୍ରଣବ ପ୍ରକାଶ ଦାସ ।

Leave a Reply