ପଟ୍ଟାମୁଣ୍ଡାଇର ଶ୍ୟାମସୁନ୍ଦରପୁରରେ ଚାଷୀଙ୍କୁ ଭେଟିଲେ ନବୀନ
ନନ୍ଦଘୋଷ ବ୍ୟୁରୋ: ଆଜି ୪ ଜିଲ୍ଲା ଗସ୍ତରେ ଯାଇ ଚାଷୀଙ୍କୁ ଭେଟୁଛନ୍ତି ବିରୋଧୀ ଦଳ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପୁରୀ, ଜଗତସିଂହପୁର ପରେ କେନ୍ଦ୍ରାପଡାର ପଟ୍ଟାମୁଣ୍ଡାଇ ଯାଇ ଚାଷୀଙ୍କୁ ଭେଟିଛନ୍ତି ।
ପଟ୍ଟାମୁଣ୍ଡାଇର ଶ୍ୟାମସୁନ୍ଦରପୁରରେ ପହଞ୍ଚିବା ପରେ ନବୀନଙ୍କୁ ଦେଖି କାନ୍ଦି ପକାଇ ଥିଲେ ଚାଷୀ । ନବୀନ ଗାଡିରୁ ଓହ୍ଲାଇ ଚାଷୀଙ୍କ ପାଖରେ ପହଞ୍ଚି ଥିଲେ । ଉଜୁଡା ଧାନ ଦେଖାଇ ଚାଷୀ ସାହାଯ୍ୟ କରିବାକୁ ନିବେଦନ କରିଥିଲେ । ନବୀନ ଚାଷୀଙ୍କ ସହ ଆଲୋଚନା କରିବା ସହ ମୁଁ ସାହାଯ୍ୟ କରିବି ବୋଲି କହିଥିଲେ ।
ସୂଚନାଯୋଗ୍ୟ, କେନ୍ଦ୍ରାପଡ଼ା ପରେ ନବୀନଙ୍କ କଟକ ଜିଲ୍ଲା ଗସ୍ତ ରହିଛି । ସାଲେପୁରଠାରେ ନବୀନ ଚାଷୀଙ୍କୁ ଭେଟି ସେମାନଙ୍କ ସହ ଆଲୋଚନା କରିବେ ।
