ଶୈଳବାଳାଙ୍କର ସ୍ବପ୍ନ ଏବେ ସାକାର ହେଉଛି: ମୁଖ୍ୟମନ୍ତ୍ରୀ

ଭୁବନେଶ୍ବର: ଏକ ଯୁଗ ଥିଲା ଯେଉଁଠି ମହିଳାମାନେ ଘରେ ଅତ୍ୟନ୍ତ ଦୀନହୀନ ଜୀବନ ଯାପନ କରୁଥିଲେ । ହେଲେ ଉତ୍କଳ ଗୌରବ ମଧୁସୁଦନ ଦାସଙ୍କ କନ୍ୟା ଶୈଳବାଳା ଦାସଙ୍କ ପ୍ରେରଣାରେ ମହିଳାମାନେ ଜାଗ୍ରତ ହୋଇଥିଲେ । ସେମାନଙ୍କର ବିକାଶ ହେବା ସହ ମହିଳାମାନେ ସଶକ୍ତ ହୋଇଥିଲେ । ଆଜି ସେହି ମହିୟସୀ ମହିଳାଙ୍କର ଜୟନ୍ତୀରେ ସଶ୍ରଦ୍ଧ ସମ୍ମାନ ଜଣାଇ ଏହା କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ଆଗକୁ ସେ କହିଛନ୍ତି, ଶୈଳାବାଳାଙ୍କର ସ୍ବପ୍ନ ଏବେ ସାକାର ହେଉଛି । ସାମାଜିକ ଓ ଅର୍ଥନୈତିକ କ୍ଷେତ୍ରରେ ମହିଳାମାନେ ବିକାଶର ନେତୃତ୍ବ ନେଉଛନ୍ତି । ଶିକ୍ଷାରୁ ଗବେଷଣା, କ୍ରୀଡାରୁ ସଂସ୍କୃତି, ବିଜ୍ଞାନ ଓ କାରିଗରୀ, ବାଣିଜ୍ୟ ଆଦି କ୍ଷେତ୍ରରେ ମହିଳା ପାରଦର୍ଶିତା ଦେଖାଇଲେଣି । ଏକବିଂଶ ଶତାବ୍ଦୀ ମହିଳାଙ୍କର ହେବ ବୋଲି ମୁଖ୍ୟମନ୍ତ୍ରୀ ଆଶା ପ୍ରକାଶ କରିଛନ୍ତି । ଛାତ୍ରୀ ହିସାବରେ ନିଜର ସ୍ବପ୍ନ ରହିବା ଉଚିତ । କେବେ ହେଲେ ନିଜ ସ୍ବପ୍ନ ସହିତ ସାଲିସ ନକରି କୌଣସି କ୍ଷୁଦ୍ର ଜିନିଷରେ ନିଜକୁ ସୀମିତ ନରଖିବାକୁ ମୁଖ୍ୟମନ୍ତ୍ରୀ ଛାତ୍ରୀଙ୍କୁ ପରାମର୍ଶ ଦେଇଛନ୍ତି ।

ଶୈଳବାଳା ମହାବିଦ୍ୟାଳୟର ଭିତ୍ତିଭୂମି ଉନ୍ନତିକରଣ ନିମନ୍ତେ ରାଜ୍ୟ ସରକାର ବଦ୍ଧପରିକର । ଏହି ଅବସରରେ ୧୦ କୋଟି ଟଙ୍କା ବ୍ୟୟରେ ୪୦୦ ଶଯ୍ୟା ବିଶିଷ୍ଟ ହଷ୍ଟେଲକୁ ମୁଖ୍ୟମନ୍ତ୍ରୀ ଉଦଘାଟନ କରିଛନ୍ତି । ଏହାସହ ୩୫ କୋଟି ଟଙ୍କାରେ ଏକ ବହୁତଳ କୋଠା ନିର୍ମାଣ ପାଇଁ ଭିତ୍ତି ସ୍ଥାପନ କରାଯାଇଛି । ଆଗକୁ ମହାବିଦ୍ୟାଳୟର ଉନ୍ନତି ପାଇଁ ସମସ୍ତ ସହଯୋଗ ଯୋଗାଇ ଦିଆଦେବାକୁ ମୁଖ୍ୟମନ୍ତ୍ରୀ ପ୍ରତିଶ୍ରୁତି ଦେଇଛନ୍ତି ।