ସ୍କୁଲ ଶିକ୍ଷାରେ ଓଡ଼ିଶାର ଭଲ ପ୍ରଦର୍ଶନ, ଖୁସି ପ୍ରକାଶ କଲେ ନବୀନ

ଭୁବନେଶ୍ବର: 5T ରୂପାନ୍ତରଣ ଆଣିଲା ସ୍କୁଲ ଶିକ୍ଷାରେ ବିପ୍ଳବ । ଗ୍ରାମାଞ୍ଚଳରେ ସରକାରୀ ସ୍କୁଲ ଶିକ୍ଷାରେ ଓଡ଼ିଶାର ଆଖିଦୃଶିଆ ପ୍ରଦର୍ଶନ । ବାର୍ଷିକ ସ୍କୁଲ ଶିକ୍ଷା ରିପୋର୍ଟ-୨୦୨୪ରେ ଏ ନେଇ ରିପୋର୍ଟ ପ୍ରକାଶ ପାଇଛି । ଯାହାକୁ ପୂର୍ବତନ ମୁଖ୍ଯମନ୍ତ୍ରୀ ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକ ଟ୍ବିଟ କରି ଜଣାଇଛନ୍ତି ।

ଓଡ଼ିଶା ସ୍କୁଲସ୍ତରରେ ଭଲ ପ୍ରଦର୍ଶନ କରିଥିବାରୁ ନବୀନ ଖୁସି ଜାହିର କରିଛନ୍ତି । ଦେଶବ୍ଯାପୀ ଗ୍ରାମାଞ୍ଚଳରେ ପିଲାଙ୍କ ସ୍କୁଲ ଓ ଶିକ୍ଷା ଗ୍ରହଣ ନେଇ ସର୍ଭେ କରାଯାଇଥିଲା । ସରକାରୀ ସ୍କୁଲରେ ୬ରୁ ୧୪ ବର୍ଷ ବୟସର ପିଲା ଆଡମିଶନ କରିବାରେ ଦେଶରେ ଦ୍ବିତୀୟ ସ୍ଥାନ ହାସଲ କରିଛି ଓଡି଼ଶା । ଯାହାର ପରିମାଣ ୮୮.୬ ପ୍ରତିଶତ ରହିଛି । ସେହିପରି ତୃତୀୟ ଶ୍ରେଣୀରେ ପଢିବାରେ ଦେଶରେ ତୃତୀୟ ସ୍ଥାନ ଅଧିକାର କରିଛି ଓଡ଼ିଶା । ତେବେ ୯୫ ପ୍ରତିଶତରୁ ଅଧିକ ୪ ବର୍ଷର ଶିଶୁ ସ୍କୁଲରେ ନାମ ଲେଖାଇଛନ୍ତି । ଏସବୁ ସମ୍ଭବ ହୋଇପାରିଛି କେବଳ 5T ରୂପାନ୍ତରଣ ଯୋଗୁଁ ।