ନବୀନ-ଜଗନଙ୍କ ହେବ ଭେଟ-ଘାଟ୍, ଓଡ଼ିଶା ଆସୁଛନ୍ତି ଆନ୍ଧ୍ର ମୁଖ୍ୟମନ୍ତ୍ରୀ
1 min read
ଭୁବନେଶ୍ୱର: ଓଡ଼ିଶା ଆସୁଛନ୍ତି ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ । ଆସନ୍ତା 9 ତାରିଖରେ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀ ଓଡ଼ିଶା ଗସ୍ତ କରୁଥିବା ସୂଚନା ରହିଛି । ଏହି ଗସ୍ତ ଓଡ଼ିଶା ଏବଂ ଆନ୍ଧ୍ରପ୍ରଦେଶ ଉଭୟ ରାଜ୍ୟ ପାଇଁ ଗୁରୁତ୍ୱ ବହନ କରୁଛି । ୯ବର୍ତ୍ତମାନ ପରିପ୍ରେକ୍ଷୀରେ ଅନେକ ଜିଲ୍ଲାରେ ଦୁଇ ରାଜ୍ୟକୁ ନେଇ ଉଠୁଥିବା ସୀମା ବିବାଦ ମୁଣ୍ଡ ଟେକିଛି । ଗଜପତିର କୋଟିଆ ଭଳି ଅଞ୍ଚଳରେ ଉବୟ ରାଜ୍ୟର ପ୍ରଶାସନିକ ଅଧିକାରୀଙ୍କ ମଧ୍ୟରେ ବିବାଦ ମୁଣ୍ଡ ଟେକିଛି । ତେଣୁ ଏଭଳି ଏକ ସମୟରେ ଆନ୍ଧ୍ର ମୁଖ୍ୟମନ୍ତ୍ରୀଙ୍କ ଗସ୍ତ ଗୁରୁତ୍ୱ ବହନ କରୁଛି ।
ଓଡ଼ିଶା ଗସ୍ତରେ ଆସୁଥିବା ଜଗନ ମୋହନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହିତ ଆଲୋଚନା କରିବେ । ଓଡ଼ିଶା-ଆନ୍ଧ୍ର ସୀମା ବିବାଦ, ପୋଲାଭରମ ଏବଂ ବଂଶଧାରା ପ୍ରକଳ୍ପ ପ୍ରସଙ୍ଗରେ ଉଭୟ ମୁଖ୍ୟମନ୍ତ୍ରୀଙ୍କ ମଧ୍ୟରେ ହେବ ଆଲୋଚନା । ଏହା ସହିତ ଉଭୟ ରାଜ୍ୟର ଦ୍ୱିପାକ୍ଷିକ ସମ୍ପର୍କ ଆଗକୁ କିପରି ସୁଦୃଢ ହେବ । ପାରସ୍ପରିକ ବିନିଯୋଗ ଏବଂ ସୁସମ୍ପର୍କ ସ୍ଥାପନା ଦିଗରେ ଏହା ବେଶ ଗୁରୁତ୍ୱବହନ କରେ ।
