ଜାତୀୟ ସୁଟର କନିକାଙ୍କ ଆତ୍ମହତ୍ୟା, ଅଢ଼େଇ ଲକ୍ଷ ଟଙ୍କାର ଜର୍ମାନ ରାଇଫଲ ଉପହାର ଦେଇଥିଲେ ସୋନୁ ସୁଦ୍

କୋଲକାତା: ଜାତୀୟସ୍ତର ସୁଟର୍ କନିକା ଲାୟକଙ୍କର ମୃତ୍ୟୁ ହୋଇଛି । ସେ ନିଜକୁ ଫାଶି ଲଗାଇ ଆତ୍ମହତ୍ୟା କରିଥିବା କୁହାଯାଉଛି । ୨୬ ବର୍ଷୀୟା କନିକା କୋଲକାତାରେ ସୁଟିଂ ପାଇଁ ତାଲିମ ନେଉଥିଲେ ।  ଏହା ପୂର୍ବରୁ ସେ ଗୁଜରାଟର ଅହମ୍ମଦାବାଦରେ ମଧ୍ୟ ଟ୍ରେନିଂ ନେବାକୁ ଯାଇଥିଲେ । ତେବେ ଏହି ସମୟରେ ତାଙ୍କ ସହ ଅସାଦାଚରଣ ହୋଇଥିବା ଅଭିଯୋଗ ଆସିଥିଲା । କନିକାଙ୍କ ମୃତଦେହ କୋଲକାତାର ଏକ ଲେଡିସ ହଷ୍ଟେଲରୁ ଝୁଲନ୍ତା ଅବସ୍ଥାରେ ଉଦ୍ଦାର କରାଯାଇଛି ।

କନିକାଙ୍କ  ହେଉଛନ୍ତି ବିହାର ଧନବାଦର ବାସିନ୍ଦା । ୨୦୨୨ ଫେବୃଆରୀରେ ତାଙ୍କର ବିବାହ ମଧ୍ୟ ହେବାର ଥିଲା । ହେଲେ ଏବେ ଏହି ଦୁଃଖଦ ଘଟଣାରେ ସେ ଆର ପାରିକୁ ଚାଲିଯାଇଛନ୍ତି। କନିକା ଜଣେ ବହୁତ ଭଲ ସୁଟର ଥିଲେ । ନିକଟରେ ସେ ଅଭିନେତା ସୋନୁ ସୁଦଙ୍କୁ ସାହାଯ୍ୟ ମାଗିଥିଲେ ଆଉ ସୋନୁ  ଅଢ଼େଇ ଲକ୍ଷ ଟଙ୍କା ମୂଲ୍ୟର ଏକ ରାଇଫଲ୍ କନିକାଙ୍କୁ ଉପହାର ଦେଇଥିଲେ ।

କନିକା ଝାଡ଼ଖଣ୍ଡରୁ ରାଜ୍ୟ ସ୍ତରରେ ଚାରିଟି ସ୍ୱର୍ଣ୍ଣ ଓ ରୌପ୍ୟ ପଦକ ଜିତିଥିଲେ। ସେ ୧୦୦ ମିଟର ଏୟାର ରାଇଫଲ ବର୍ଗରେ ରାଜ୍ୟ ଚାମ୍ପିୟନ ହୋଇଥିଲେ। କନିକାଙ୍କ ସ୍ୱପ୍ନ ଅଲିମ୍ପିକ୍ସକୁ ଯିବା ଥିଲା, କିନ୍ତୁ ଏହାପୂର୍ବରୁ ସେ ଦୁନିଆ ଛାଡି ଚାଲିଯାଇଛନ୍ତି । ସୋନୁ ସୁଦ ମଧ୍ୟ ଚାହୁଁଥିଲେ ଯେ କନିକା ଆଗାମୀ ସମୟରେ ଅଲିମ୍ପିକ୍ସ ପରି ଏକ ବଡ଼ ମଞ୍ଚରେ ନିଜର ଚମତ୍କାରିତା ଦେଖାନ୍ତୁ କିନ୍ତୁ ଏହା ସମ୍ଭବ ହୋଇପାରିଲା ନାହିଁ । ଜଣେ ଦକ୍ଷ ଓ ଉଦୀୟମାନ ସୁଟରଙ୍କ ଦେହାନ୍ତରେ ସାରା ଖେଳ ଜଗତରେ ଶୋକର ଛାୟା ଖେଳାଇଯାଇଛି।