ଭୁବନେଶ୍ୱର: ସଡ଼କ ସୁରକ୍ଷା ବାର୍ତ୍ତା ନେଇ ଆଉ ଦୁଇ ପାଦ ଆଗକୁ ଯାଇଛି ପରିବହନ ବିଭାଗ । ସଡ଼କ ସୁରକ୍ଷା ନେଇ ତିଆରି କରନ୍ତୁ କ୍ଷୁଦ୍ର ଚଳଚ୍ଚିତ୍ର ଆଉ ପାଆନ୍ତୁ ରାଜ୍ୟ ସରକାରଙ୍କ ଠାରୁ ଏକ ଲକ୍ଷ ଟଙ୍କା ର ପୁରସ୍କାର ରାଶି । ଏଥି ସହ ସରକାରଙ୍କ ଠାରୁ ସମ୍ବର୍ଦ୍ଧିତ ହୋଇ ପାରିବେ ବୋଲି ନ୍ୟାସନାଲ ରୋଡ ସେଫ୍ଟି ସର୍ଟ ଫିଲ୍ମ ଫିଷ୍ଟିବାଲ ପାଇଁ ପରିବହନ ବିଭାଗ ପକ୍ଷରୁ ଭୁବନେଶ୍ୱର ପୋଲିସ ଭବନ ପରିସରରେ ଆୟୋଜିତ ସମ୍ମିଳନୀରେ ସୂଚନା ଦିଆଯାଇଛି ।
ମାତ୍ର ୨ ମିନିଟ ଅବଧି ଭିତରେ ସଡ଼କ ସୁରକ୍ଷା ବାର୍ତ୍ତା ନେଇ ଫୁଲ ଏଚଡି ଭିଡିଓ କରି ଗୁଗୁଲି ଡ୍ରାଇଭ କିମ୍ବା [email protected] କିମ୍ୱା [email protected] ରେ ଜୁନ ୩ ତାରିଖ ମଧ୍ୟ ରେ ପଠାଇପାରିବେ । ଓଡ଼ିଆ ଓ ଅନ୍ୟ ଯେ କୌଣସି ଗୋଟିଏ ଭାଷା ରେ ସାରା ଭାରତର ଯେ କୌଣସି ବ୍ୟକ୍ତି ଏହି ଭିଡିଓ କରି ଏଥିରେ ଅଂଶଗ୍ରହଣ କରିପାରିବେ ।
ଆସନ୍ତା ଜୁନ ୧୮ ଓ ୧୯ ତାରିଖ ରେ ରାଉରକେଲା ରେ ଏହା କୁ ପ୍ରଦର୍ଶିତ କରାଯାଇ ଯୁରି ମେମ୍ବର ଙ୍କ ଦ୍ଵାରା ସିଲେକ୍ସନ୍ କରାଯିବ । ଏହା ପରେ ପୁରୀ ରେ ଆସନ୍ତା ୨୪ ଓ ୨୫ ରେ ବିଜେତା ମାନଙ୍କ ନାମ ଘୋଷଣା ସହ ପୁରସ୍କୃତ କରାଯିବ । ଓଡ଼ିଆ କାଟା ଗୋରୀ ଓ ନନ୍ ଓଡ଼ିଆ କାଟାଗୋରି ରେ ଶ୍ରେଷ୍ଠ ଚଳଚ୍ଚିତ୍ର ପାଇଁ ଏକ ଲକ୍ଷ ଟଙ୍କା ର ପୁରସ୍କାର ରାଶି ରହିଥିବା ବେଳେ ପ୍ରଥମ ରାନର୍ସ ଅପ୍ ପାଇଁ ୮୦ ହଜାର ଓ ଦ୍ଵିତୀୟ ରାନର୍ସ ଅପ୍ ପାଇଁ ୬୦ ହଜାର ଟଙ୍କା ପୁରସ୍କାର ରାଶି ରଖାଯାଇଛି ।
ସେହିପରି ଶ୍ରେଷ୍ଠ ନିର୍ଦେଶକ,ସଂଳାପ,ସିନେମାଟୋଗ୍ରାଫି ଓ ଶ୍ରେଷ୍ଠ ଅଭିନେତା ଓ ଶ୍ରେଷ୍ଠ ଅଭିନେତ୍ରୀ ଙ୍କୁ ୨୫ ହଜାର ଟଙ୍କା ପୁରସ୍କାର ରାଶି ଘୋଷଣା କରାଯାଇଛି ।ଏହି ସାମ୍ବାଦିକ ସମ୍ମିଳନୀ ରେ ଅରୁଣ ବୋଥ୍ରା ଙ୍କ ସମେତ ଜୁରି ମେମ୍ବର କୁନା ତ୍ରିପାଠୀ, ସବ୍ୟସାଚୀ,ସିଦ୍ଧାନ୍ତ ମହାପାତ୍ର ପ୍ରମୁଖ ଉପସ୍ଥିତ ଥିଲେ ।ତେବେ ସଡ଼କ ସୁରକ୍ଷା ପାଇଁ ସବୁବେଳେ ସଚେତନତା କାର୍ଯକ୍ରମ ଜାରି ରହିଛି । କିନ୍ତୁ ଏବେ ଏହି ସର୍ଟ ଫିଲ୍ମ କରାଇ ଆଉ ପାଦେ ସଡ଼କ ସୁରକ୍ଷା ବାର୍ତା ଆଗକୁ ଯିବ ବୋଲି ମତ ପ୍ରକାଶ ପାଇଛି ।
ଏଥିସହିତ ପଢ଼ନ୍ତୁ: ୭ଟି ବିଦ୍ୟୁତ ପ୍ରକଳ୍ପ ଲୋକାର୍ପଣ କଲେ ମୁଖ୍ୟମନ୍ତ୍ରୀ
