5 ‘T’ ପାଇଁ ଜାତୀୟ ସ୍ତରୀୟ ସମ୍ମାନ ପାଇଲା ଓଡ଼ିଶା

ଭୁବନେଶ୍ୱର : ପୁଣି ଥରେ ଓଡିଶାକୁ ଜାତୀୟ ସ୍ତରରେ ମିଳିଛି ସୁନାମ । 5T ପରସମଣୀ ଦ୍ୱାରା ପରିଚାଳିତ ପ୍ରଶାସନକୁ ମିଳିଛି ଦୁଇଟି ଟେକ୍ ସଭା ପୁରସ୍କାର । କୋଭିଡ ଡ୍ୟାସବୋର୍ଡ ଓ ଇଣ୍ଟିଗ୍ରେଟେଡ ଲିଗାଲ ମନଟରିଂ ସିଷ୍ଟମ ବା ଆଇଏଲଏମଏସ ପାଇଁ ରାଜ୍ୟକୁ ଏହି ପୁରସ୍କାର ମିଳିଛି । ଟିମ୍ ୱାର୍କ, ଟେକ୍ନୋଲୋଜି, ଟ୍ରାନ୍ସପାରେନ୍ସି ଓ ସମୟାନୁବର୍ତ୍ତିତା ଏହି ମନ୍ତ୍ରକୁ ନେଇ କାର୍ଯ୍ୟ କରୁଛି ପୂରା ପ୍ରଶାସନ । ବିଭିନ୍ନ ବିଭାଗରେ ଫଇସଲା ଅପେକ୍ଷାରେ ଥିବା ମାମଲାଗୁଡିକୁ ତ୍ୱରାନ୍ୱିତ କରିବାକୁ ୧୨ଟି ବିଭାଗରେ ଆଇଏଲଏମଏସ ବ୍ୟବସ୍ଥା କାର୍ଯ୍ୟକାରୀ କରାଯାଉଛି । ବିଦ୍ୟାଳୟ ଓ ଗଣଶିକ୍ଷା ବିଭାଗ ପ୍ରଥମେ ଏହି ବ୍ୟବସ୍ଥା କାର୍ଯ୍ୟକାରୀ କରିଥିଲା । ବିଦ୍ୟାଳୟ ଓ ଗଣଶିକ୍ଷା ବିଭାଗରେ ଦୈନିକ ୧୦ଟି ହାରରେ ବାର୍ଷିକ ହାରାହାରି ୩ହଜାର ମାମଲା ରୁଜୁ ହେଉଛି ।

୨୦୧୭ରେ ବିଦ୍ୟାଳୟ ଗଣଶିକ୍ଷା ବିଭାଗ ସମ୍ପର୍କିତ ୮୦ହଜାର ମାମଲା ପଡି ରହିଥିଲା । ଆଇଏଲଏମଏସ ବ୍ୟବସ୍ଥା ଲାଗୁ ହେବା ପରେ ବକେୟା ମାମଲା ସଂଖ୍ୟା ୨୪ ହଜାରକୁ ହ୍ରାସ ପାଇଛି । ଏହି ଅନଲାଇନ ବ୍ୟବସ୍ଥା ରାଜ୍ୟର ବିଭିନ୍ନ ବିଭାଗରେ ଫଇସଲା ହୋଇନପାରି ପଡିରହିଥିବା ମାମଲାର ସ୍ଥିତି, ଏହି ସବୁ ମାମଲାର ପରିଚାଳନାରେ ସ୍ବଚ୍ଛତା ଏବଂ ଆନ୍ତଃବିଭାଗୀୟ ସମନ୍ବୟ ରକ୍ଷା ସହଜ ହେଉଛି । ସେହିଭଳି ଓଡିଶାର କରୋନା ସଂକ୍ରମଣ ସମ୍ପର୍କିତ ତଥ୍ୟର ପରିଚାଳନା ପାଇଁ କୋଭିଡ ଡ୍ୟାସବୋର୍ଡ ବିଶ୍ବ ସ୍ତରରେ ପୁରସ୍କୃତ ହୋଇଛି ।

ଏହି ଡ୍ୟାସବୋର୍ଡ ସରକାରଙ୍କୁ ସଂକ୍ରମଣକୁ ଟ୍ରାକ କରିବାରେ ସହାୟକ ହେଉଛି । ଏହା ଦ୍ୱାରା ସମ୍ବେଦନଶୀଳ ଜନସଂଖ୍ୟାକୁ ଚେକ୍ କରିବା ଏବଂ ସାମାଜିକ ଦୂରତାକୁ ସୁନିଶ୍ଚିତ କରିବାରେ ସହାୟକ ହେଉଛି । ଏହାଦ୍ବାରା ପ୍ରଶାସନିକ ଯୋଜନା ପ୍ରସ୍ତୁତି ଏବଂ ମୃ୍ତ୍ୟୁହାରକୁ ରୋକିବାରେ ମଧ୍ୟ ସହାୟକ ହେଉଛି । ଏହି ଡ୍ୟାସବୋର୍ଡ ବିଶ୍ବସ୍ତରରେ ବିଶେଷଜ୍ଞମାନଙ୍କୁ ରିସର୍ଚ୍ଚରେ ସହୟକ ହେଉଛି । ରାଜ୍ୟରେ ବୈଷୟିକ ଅଭିବୃଦ୍ଧିରେ ଇଲେକ୍ଟ୍ରୋନିକ୍ସ ଓ ଆଇଟି ବିଭାଗ ବେଶ ସଫଳତାର ସହ ବିଭିନ୍ନ ଟେକ୍ନୋଲୋଜିର ବ୍ୟବହାର କରୁଛି ।