ନ୍ୟାସନାଲ୍ ହେରାଲ୍ଡ ମାମଲା, ସୋନିଆ ଗାନ୍ଧିଙ୍କୁ ଇଡିର ସାନି ସମନ

ନୂଆଦିଲ୍ଲୀ: ନ୍ୟାସନାଲ୍ ହେରାଲ୍ଡ ମାମଲା । କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧିଙ୍କୁ ଇଡିର ସାନି ସମନ । ଆସନ୍ତା ୨୩ ତାରିଖରେ ହାଜର ହେବାକୁ ସୋନିଆଙ୍କୁ ସମନ କରିଛି ଇଡି । ସୋନିଆ କରୋନା ସଂକ୍ରମିତ ହୋଇଥିବାରୁ ହାଜର ତାରିଖକୁ ପୂର୍ବରୁ ଘୁଞ୍ଚାଯାଇଥିଲା । ଏବେ ସୋନିଆ କରୋନାରୁ ସୁସ୍ଥ ହେବା ପରେ ସାନି ସମନ ଜାରି ହୋଇଛି । ଅନ୍ୟପଟେ ଆସନ୍ତା ୧୩ତାରିଖରେ ଇଡି ପାଖରେ ହାଜର ହେବେ ରାହୁଲ ଗାନ୍ଧୀ ।

ନ୍ୟାସନାଲ ହେରାଲ୍ଡ ସମ୍ବାଦପତ୍ର ସହ ଜଡ଼ିତ ମନି ଲଣ୍ଡ୍ରିଂ ମାମଲାରେ କଂଗ୍ରେସ ସଭାପତି ସୋନିଆ ଗାନ୍ଧି ଓ ସାଂସଦ ରାହୁଲ ଗାନ୍ଧିଙ୍କୁ ହାଜର ପାଇଁ ନୋଟିସ ଜାରି କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ । ମାମଲାରେ ଏହି ବର୍ଷ ଏପ୍ରିଲ ୧୨ରେ କଂଗ୍ରେସର ଦୁଇ ବଡ଼ ନେତା ପବନ ବନସଲ ଓ ମଲ୍ଲିକାର୍ଜୁନ ଖର୍ଗେଙ୍କୁ ଇଡି ତଦନ୍ତ ପରିସରଭୁକ୍ତ କରିଥିଲା । ୨୦୧୪ରେ ସୁବ୍ରମଣ୍ୟମ ସ୍ବାମୀ ସୋନିଆ ଗାନ୍ଧି ଓ ରାହୁଲ ଗାନ୍ଧିଙ୍କ ବିରୋଧରେ ମାମଲା ଦାୟର କରିଥିଲେ । ଗାନ୍ଧି ପରିବାର ବିରୋଧରେ ୫୫ କୋଟି ଟଙ୍କା ହେରଫେର ଅଭିଯୋଗ ଆଣିଥିଲେ ସୁବ୍ରମଣ୍ୟମ ସ୍ୱାମୀ ।