୬୯ତମ ଜାତୀୟ ଚଳଚ୍ଚିତ୍ର ପୁରସ୍କାର: ଆଲିଆ-କ୍ରୀତି ଓ ଅଲ୍ଲୁ ଅର୍ଜୁନଙ୍କ ଜାତୀୟ ପୁରସ୍କାର

ନୂଆଦିଲ୍ଲୀ: ପ୍ରାୟ ଏକ ମାସର ଘୋଷଣା ପରେ ଆଜି ପ୍ରଦାନ କରାଯାଇଛି ୬୯ତମ ଜାତୀୟ ଚଳଚ୍ଚିତ୍ର ପୁରସ୍କାର । ଦିଲ୍ଲୀ ବିଜ୍ଞାନ ଭବନରେ ଏହି ପୁରସ୍କାର ପ୍ରଦାନ କରାଯାଇଛି । ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏହି ସମ୍ମାନ ପ୍ରଦାନ କରିଛନ୍ତି । ଆଲିୟା ଭଟ୍ଟ, କ୍ରୀତି ସେନନ ଏବଂ ଅଲ୍ଲୁ ଅର୍ଜୁନଙ୍କୁ ସେମାନଙ୍କ ଅଭିନୟ ପାଇଁ ଜାତୀୟ ପୁରସ୍କାରରେ ସମ୍ମାନିତ କରାଯାଇଛି । ପ୍ରଥମ ସାଉଥ ଷ୍ଟାର ଭାବେ ଅଲ୍ଲୁ ଅର୍ଜୁନ ଏହି ପୁରସ୍କାର ପାଇଛନ୍ତି ।

ଓ୍ବାହିଦା ରହମାନଙ୍କୁ ଦାଦା ସାହେବ ଫାଲକେ ସମ୍ମାନ

ଏହି ଅବସରରେ ଓ୍ବାହିଦା ରହମାନଙ୍କୁ ଫିଲ୍ମ ଦୁନିଆରେ ତାଙ୍କ ଜୀବନବ୍ୟାପୀ ସାଧନା ପାଇଁ ଦାଦା ସାହେବ ଫାଲକେ ସମ୍ମାନରେ ସମ୍ମାନିତ କରାଯାଇଛି । ଫିଲ୍ମ ଜଗତରେ ଯୋଗଦାନ ପାଇଁ ତାଙ୍କୁ ଦେଶର ସବୁଠାରୁ ବଡ଼ ସମ୍ମାନରେ ସମ୍ମାନିତ କରାଯାଇଛି । ଏହି ଅବସରରେ ଓ୍ବାହିଦା ସମସ୍ତଙ୍କୁ ଧନ୍ୟବାଦ ଦେବା ସହ କହିଥିଲେ, ‘ଆପଣ ମୋତେ ଏହି ସମ୍ମାନରେ ସମ୍ମାନିତ କରିଥିବାରୁ ଧନ୍ୟବାଦ । ଇଣ୍ଡଷ୍ଟ୍ରି ପାଇଁ ଆଜି ମୁଁ ଏଠାରେ ପହଞ୍ଚିଛି । ମୋତେ ବହୁତ ଭଲ ଡାଇରେକ୍ଟର, ପ୍ରଡ୍ୟୁସର, ମ୍ୟୁଜିକ କମ୍ପୋଜରଙ୍କ ସହଯୋଗ ମିଳିଛି । ମେକଅପ୍ ଓ କଷ୍ଟ୍ୟୁମ୍ ଆର୍ଟିଷ୍ଟଙ୍କ ବି ବଡ଼ ଭୂମିକା ରହିଛି । ମୁଁ ସେମାନଙ୍କୁ ବି ଧନ୍ୟବାଦ ଜଣାଉଛି ।’

ଗଙ୍ଗୁବାଇ କାଠିଆଓ୍ବାଡିର ଗୁଞ୍ଜ

ଗଙ୍ଗୁବାଇ କାଠିଆଓ୍ବାଡିରେ ଯାଦୁଗରୀ ଅଭିନୟ ପାଇଁ ଆଲିୟା ଭଟ୍ଟଙ୍କୁ ଶ୍ରେଷ୍ଠ ଅଭିନେତ୍ରୀ ସମ୍ମାନରେ ସମ୍ମାନିତ କରାଯାଇଛି । ଏଥିରେ ଆଲିୟା ଏକ ଦେହଜୀବୀ ଚରିତ୍ରରେ ନଜରକୁ ଆସିଥିଲେ । ଯାହା କେବଳ ଭାରତ ନୁହେଁ ବିଦେଶରେ ବି ବେଶ ଧୂମ ମଚାଇଥିଲା ।

କ୍ରୀତି ସେନନଙ୍କୁ ଶ୍ରେଷ୍ଠ ଅଭିନେତ୍ରୀ ସମ୍ମାନ

ଆଲିୟାଙ୍କ ସହ କ୍ରୀତି ସେନନଙ୍କୁ ବି ଶ୍ରେଷ୍ଠ ଅଭିନେତ୍ରୀ ସମ୍ମାନରେ ସମ୍ମାନିତ କରାଯାଇଛି । ୨୦୨୧ରେ ରିଲିଜ ହୋଇଥିବା ‘ମିମି’ ଚଳଚ୍ଚିତ୍ର ପାଇଁ କ୍ରୀତିଙ୍କୁ ଏହି ସମ୍ମାନରେ ସମ୍ମାନିତ କରାଯାଇଛି । ଏହି ଫିଲ୍ମରେ ପଙ୍କଜ ତ୍ରିପାଠୀ ମଧ୍ୟ ଏକ ଗୁରୁତ୍ବପୂର୍ଣ୍ଣ ଭୂମିକାରେ ନଜରକୁ ଆସିଥିଲେ । ତାଙ୍କୁ ବେଷ୍ଟ ସପୋର୍ଟିଂ ଆକ୍ଟର ସମ୍ମାନରେ ସମ୍ମାନିତ କରାଯାଇଛି ।

ଅଲ୍ଲୁ ଅର୍ଜୁନଙ୍କୁ ଶ୍ରେଷ୍ଠ ଅଭିନେତା ସମ୍ମାନ

ଚଳିତବର୍ଷ ଶ୍ରେଷ୍ଠ ଅଭିନେତା ସମ୍ମାନ ସାଉଥ ଇଣ୍ଡଷ୍ଟ୍ରିର ମୋଷ୍ଟ ପପୁଲାର ଅଭିନେତା ଅଲ୍ଲୁ ଅର୍ଜୁନଙ୍କୁ ମିଳିଛି । ଫିଲ୍ମ ‘ପୁଷ୍ପା’ ପାଇଁ ତାଙ୍କୁ ଏହି ସମ୍ମାନରେ ସମ୍ମାନିତ କରାଯାଇଛି । ଏହାସହ ସାଉଥ ଇଣ୍ଡଷ୍ଟ୍ରିର ପ୍ରଥମ ଅଭିନେତା ଭାବେ ଅଲ୍ଲୁ ଏହି ସମ୍ମାନରେ ସମ୍ମାନିତ ହୋଇଛନ୍ତି ।

କରଣ ଜୋହରଙ୍କୁ ‘ଶେରଶାହ’ ଫିଲ୍ମ ପାଇଁ ସ୍ପେଶାଲ ଜୁରୀ ସମ୍ମାନରେ ସମ୍ମାନିତ କରାଯାଇଛି । ଶ୍ରୀୟା ଘୋଷାଲଙ୍କୁ ୫ମ ଥର ପାଇଁ ଜାତୀୟ ସମ୍ମାନରେ ସମ୍ମାନିତ କରାଯାଇଛି । ପଲ୍ଲବୀ ଜୋଶୀଙ୍କୁ ‘କାଶ୍ମୀର ଫାଇଲ’ ପାଇଁ ବେଷ୍ଟ ସପୋର୍ଟିଂ ଆଟ୍ରେସ୍ ସମ୍ମାନରେ ସମ୍ମାନିତ କରାଯାଇଛି ।

ଜାତୀୟ ପୁରସ୍କାରର ପୂରା ଲିଷ୍ଟ

ବେଷ୍ଟ ମିଶିଙ୍ଗ ଫିଲ୍ମ – ବୁମ୍ମା ରାଇଡ

ବେଷ୍ଟ ଆସାମୀ ଫିଲ୍ମ – ଅନୁର

ବେଷ୍ଟ ବଙ୍ଗାଳି ଫିଲ୍ମ – kalkokkho- House Of Time

ବେଷ୍ଟ ହିନ୍ଦି ଫିଲ୍ମ – ସରଦାର ଉଧମ

ବେଷ୍ଟ ଗୁଜରାତି ଫିଲ୍ମ – ଲାଷ୍ଟ ଫିଲ୍ମ ଶୋ’

ବେଷ୍ଟ କନ୍ନଡ ଫିଲ୍ମ – ୭୭୭ ଚାର୍ଲି

ବେଷ୍ଟ ମୈଥିଲି ଫିଲ୍ମ – ସମାନ୍ତର

ବେଷ୍ଟ ମରାଠୀ ଫିଲ୍ମ – ଏକଦା କାୟ ଜାଲା

ବେଷ୍ଟ ମଲାୟାଲମ ଫିଲ୍ମ – ହୋମ୍

ବେଷ୍ଟ ମିତେଲିୟନ ଫିଲ୍ମ – eikhoigi yum

ବେଷ୍ଟ ଓଡ଼ିଆ ଫିଲ୍ମ – ପ୍ରତୀକ୍ଷା

ବେଷ୍ଟ ତାମିଲ ଫିଲ୍ମ – kadaisi vivasayi

ବେଷ୍ଟ ତେଲଗୁ ଫିଲ୍ମ – uppena

ବେଷ୍ଟ ଆକ୍ସନ ଡାଇରେକ୍ସନ ଆଓ୍ବାଡ – RRR

ବେଷ୍ଟ କୋରିଓଗ୍ରାଫି – RRR

ସ୍ପେଶାଲ ଜୁରୀ ଆଓ୍ବାଡ – ଶେରଶାହ

ବେଷ୍ଟ ଲିରିକ୍ସ – କୋଣ୍ଡା ପୋଲମ

ବେଷ୍ଟ ମ୍ୟୁଜିକ ଡାଇରେକ୍ସନ – ପୁଷ୍ପା ଦି ରାଇଜ୍

ବେଷ୍ଟ ମେକଅପ୍ ଆର୍ଟିଷ୍ଟ – ପ୍ରିତିଶିଲ ସିଂ ଡିସୋଜା (ଗଙ୍ଗୁବାଇ କାଠିଆଓ୍ବାଡି)

ବେଷ୍ଟ କଷ୍ଟିମ୍ୟୁ ଡିଜାଇନର – ବୀର କପୁର (ସରଦାର ଉଧମ)

ବେଷ୍ଟ ଏଡିଟିଂ – ସଞ୍ଜୟ ଲିଲା ଭଂସାଲି (ଗଙ୍ଗୁବାଇ କାଠିଆଓ୍ବାଡି)

ବେଷ୍ଟ ସ୍କ୍ରିନ ପ୍ଲେ – ଗଙ୍ଗୁବାଇ କାଠିଆଓ୍ବାଡି

ବେଷ୍ଟ ଡାୟଲଗ ରାଇଟର – ଗଙ୍ଗୁବାଇ କାଠିଆଓ୍ବାଡି

ବେଷ୍ଟ ସିନମୋଟୋଗ୍ରାଫି – ସରଦାର ଉଧମ

ବେଷ୍ଟ ଫିଲେମ ପ୍ଲେ ବ୍ୟାକ ସିଙ୍ଗର – ଶ୍ରୀୟା ଘୋଷାଲ

ବେଷ୍ଟ ମେଲ ବ୍ଲେ ବ୍ୟାକ ସିଙ୍ଗର – କାଳ ଭୈରବ

ବେଷ୍ଟ ଚାଇଲ୍ଡ ଆର୍ଟିଷ୍ଟ – ଛେଲ୍ଲି ଶୋ

ବେଷ୍ଟ ସପୋର୍ଟିଂ ଆକ୍ଟର – ପଙ୍କଜ ତ୍ରିପାଠୀ (ମିମି)

ବେଷ୍ଟ ସପୋର୍ଟିଂ ଆକ୍ଟ୍ରେସ – ପଲ୍ଲବୀ ଜୋଶୀ (ଦି କାଶ୍ମୀର ଫାଇଲ)

ବେଷ୍ଟ ଆକ୍ଟର – ଆଲିୟା ଭଟ୍ଟ, କୃତି ସେନନ

ବେଷ୍ଟ ଆକ୍ଟର – ଅଲ୍ଲୁ ଅର୍ଜୁନ

ବେଷ୍ଟ ଡାଇରେକ୍ସନ – ଗୋଦାବରୀ

ବେଷ୍ଟ ହିନ୍ଦି ଫିଲ୍ମ – ସରଦାର ଉଧମ

ବେଷ୍ଟ ଫିଚର ଫିଲ୍ମ – ରକେଟ୍ରି ଦି ନମ୍ବି ଇଫେକ୍ଟ