ଆଜି ରାଷ୍ଟ୍ରୀୟ ଶିକ୍ଷା ଦିବସ, ଦେଶର ପ୍ରଥମ ଶିକ୍ଷାମନ୍ତ୍ରୀ ଅବୁଲ କାଲାମ ଆଜାଦଙ୍କୁ ମନେପକାଉଛି ଦେଶ

ନୂଆଦିଲ୍ଲୀ: ଆଜି ରାଷ୍ଟ୍ରୀୟ ଶିକ୍ଷା ଦିବସ । ଆଜିର ଦିନକୁ ଦେଶର ପ୍ରଥମ ଶିକ୍ଷାମନ୍ତ୍ରୀ ଅବୁଲ କାଲାମ ଆଜାଦଙ୍କୁ ସମର୍ପିତ କରାଯାଇଛି । ଦେଶର ମହାନ ସ୍ବାଧିନତା ସଂଗ୍ରାମୀଙ୍କ ସହ ଜଣେ ବିଦ୍ବାନ ଓ ଶିକ୍ଷାବିତ୍ ଭାବେ ଅବୁଲ କାଲାମ ଆଜାଦଙ୍କୁ ସାରା ଦେଶ ଜାଣିଛି। ତାଙ୍କର ଜନ୍ମ ଜୟନ୍ତୀଙ୍କୁ ସାରା ଦେଶରେ ରାଷ୍ଟ୍ରୀୟ ଶିକ୍ଷା ଦିବସ ଭାବେ ପାଳନ କରାଯାଏ । ସ୍ବାଧିନତା ପରେ ଦେଶର ବିକାଶ ପାଇଁ ଶିକ୍ଷା କେତେ ଜରୁରୀ ତାହାର ଭଲ ଭାବେ ଅନୁଶୀଳନ କରିଥିଲେ ଆଜାଦ । ସେଥିପାଇଁ ଆଧୁନିକ ଶିକ୍ଷା ପଦ୍ଧତିକୁ ଦେଶରେ ଲାଗୁ କରିବା ପାଇଁ ସେ ଅନେକ ନୀତି କରିଥିଲେ।

ଆଜିର ଦିନରେ ଦେଶର ବିଭିନ୍ନ ଶିକ୍ଷାଅନୁଷ୍ଠାନରେ ତାଙ୍କ ଜନ୍ମଜୟନ୍ତୀ ପାଳନ କରାଯାଏ । ୨୦୦୮ରେ ଆଜିର ଦିନକୁ ରାଷ୍ଟ୍ରୀୟ ଶିକ୍ଷା ଦିବସ ପାଳନ କରିବା ନେଇ କେନ୍ଦ୍ର ସରକାର ଘୋଷଣା କରିଥିଲେ । ୧୮୮୮ ମସିହା ନଭେମ୍ବର ୧୧ ତାରିଖରେ ଜନ୍ମଗ୍ରହଣ କରିଥିଲେ ଅବୁଲ କାଲାମ ଆଜାଦ ।