ରାଜଧାନୀ ବିଜ୍ଞାନ ଭବନରେ ରାଜ୍ୟ ସମବାୟ ମନ୍ତ୍ରୀଙ୍କ ରାଷ୍ଟ୍ରୀୟ ସମ୍ମିଳନୀ

ନୂଆଦିଲ୍ଲୀ: ବିଜ୍ଞାନ ଭବନରେ ଅନୁଷ୍ଠିତ ହୋଇଛି ସମବାୟ ମନ୍ତ୍ରୀଙ୍କ ରାଷ୍ଟ୍ରୀୟ ସମ୍ମିଳନୀ। କେନ୍ଦ୍ର ମନ୍ତ୍ରୀ ଅମିତ ଶାହାଙ୍କ ଅଧ୍ୟକ୍ଷତାରେ ଏହି ସମ୍ମିଳନୀ ହୋଇଛି । ଏଥିରେ ରାଜ୍ୟ ସମବାୟ ମନ୍ତ୍ରୀ ଅତନୁ ସବ୍ୟସାଚୀ ନାୟକ ଯୋଗ ଦେଇଛନ୍ତି। ଆୟୋଜିତ ଏଡି ସମ୍ମିଳନୀରେ ମନ୍ତ୍ରୀ ଅତନୁ ସବ୍ୟସାଚୀ ନାୟକ ରାଜ୍ୟ ସ୍ୱାର୍ଥ ସମ୍ବଳିତ ଅନେକ ପ୍ରସଙ୍ଗ ଉଠାଇବେ। ଓଡ଼ିଶାର ଦାବି ପୂରଣ କରିବାକୁ ଗୁରୁତ୍ୱ ଦେବେ।

ସମବାୟ ବ୍ୟାଙ୍କକୁ ସୁଦୃଢ଼ କରିବା ସହ କୃଷକଙ୍କୁ ବୀମାରାଶି ପ୍ରଦାନରେ ବିଳମ୍ବ ନହେବା, ପ୍ରଧାନମନ୍ତ୍ରୀ ଫସଲ ବୀମା ଯୋଜନାରେ ଓଡ଼ିଶାର ଚାଷୀ ଠିକ୍ ସମୟରେ ଯେପରି ବୀମା ରାଶି ପାଇପାରିବେ, ସେନେଇ ଦୃଷ୍ଟି ଆକର୍ଷଣ କରିବେ ମନ୍ତ୍ରୀ । ଆଗାମୀ ଦିନରେ କେନ୍ଦ୍ର ପକ୍ଷରୁ ଏକ ନୂତନ ଜାତୀୟ ସମବାୟ ନୀତି ଲାଗୁ ହେଉଥିବାରୁ ଆଜିର ସମ୍ମିଳନୀ ବେଶ ଗୁରୁତ୍ୱ ବହନ କରୁଛି।