୧୦୬ ବର୍ଷିୟ ବିଧାୟକଙ୍କୁ ନରେନ୍ଦ୍ର ମୋଦିଙ୍କ ଫୋନ, କରୋନା ସହ ଯୁଦ୍ଧ ପାଇଁ ଲୋଡ଼ିଲେ ଆଶୀର୍ବାଦ

ଲକ୍ଷ୍ନୌ- ଦେଶରେ କରୋନା ଭାଇରସ ସଂକ୍ରମଣ ମାମଲା ଦିନକୁ ଦିନ ବଢ଼ିବାରେ ଲାଗୁଛି । କେନ୍ଦ୍ର ସରକାର ରାଜ୍ୟ ସରକାରଙ୍କ ସହ ମିଶି କରୋନା ବିରୋଧରେ ଯୁଦ୍ଧ ଲଢୁଛନ୍ତି । ଇତିମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲଗାତାର ଭିନ୍ନ ଭିନ୍ନ ବର୍ଗରଏବଂ ଅଞ୍ଚଳର ଲୋକଙ୍କ ଆଲୋଚନା କରୁଛନ୍ତି । ଏହି ମଧ୍ୟର ପ୍ରଧାନମନ୍ତ୍ରୀ ମୋଦି କୁଶୀନଗର ଜିଲ୍ଲାର ୧୦୬ ବର୍ଷିୟ ପୂର୍ବତନ ବିଧାୟକ ନାରାୟଣଙ୍କ ସହ ଫୋନ ଯୋଗେ କଥା ହୋଇଛନ୍ତି ।

ଉତ୍ତର ପ୍ରଦେଶର କୁଶୀନଗର ଜିଲ୍ଲାର ନୈରଙ୍ଗିୟା ବିଧାନସଭାର ପୂର୍ବତନ ବିଧାୟକ ନାରାୟଣଙ୍କ  ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଲୋଚନା କରିଛନ୍ତି । ପ୍ରଧାନମନ୍ତ୍ରୀ ତାଙ୍କ ସ୍ୱାସ୍ଥ୍ୟ ବିଷୟରେ ପଚାରି ବୁଝିଲେ । ପୂର୍ବ ବିଧାୟକ ନାରାୟଣଙ୍କୁ ବର୍ତ୍ତମାନ ୧୦୬ ବର୍ଷ ବୟସ ଏବଂ ନୈରଙ୍ଗିୟା ବିଧାନସଭାରୁ ସେ ନିର୍ବାଚନ ଲଢ଼ିଥିଲେ ।

ପିଏମ୍ ମୋଦି ତାଙ୍କ ସହ ଆଲୋଚନା କରିବା ବେଳେ ରହିଥିଲେ ଯେ, ଆପଣ ଆପଣଙ୍କ ଜୀବନର ୧୦୦ ବର୍ଷ ଦେଖିଛନ୍ତି । ଏହି ସଙ୍କଟ ସମୟରେ ଆପଣଙ୍କ ଆଶୀର୍ବାଦ ନେବା ପାଇଁ ଆଶା କରୁଛି । ଏହା ସହିତ ମୋଦି କହିଲେ ଯେ, ଆପଣଙ୍କ ପାଖରୁ ଯାହା କିଛି ସିଖିଛି ତାହା କାମରେ ଆସୁ । ଏତିକି ହି ମୋର କାମନା । ଅନ୍ୟପଟେ ପୂର୍ବ ବିଧାୟକ ନାରାୟଣ ମୋଦିଙ୍କୁ କହିଲେ ଯେ, ଆପଣ ସୁସ୍ଥ ରୁହନ୍ତୁ ଏବଂ ଦେଶର ନେତୃତ୍ୱ କରନ୍ତୁ ।