ଯାଜପୁର: ନନ୍ଦିଘୋଷ ଟିଭି ପ୍ରଭାବ। ବେଆଇନ ଇଟାଭାଟିକୁ ସିଲ୍ କଲା ପ୍ରଶାସନ। ଯାଜପୁର ଜିଲ୍ଲା ପାଣିକୋଇଲି ଥାନା ଷଠିପୁର ଅଞ୍ଚଳରେ ଥିବା ୨ଟି ବେଆଇନ ଚିମନୀ ଇଟାଭାଟିକୁ ଜିଲ୍ଲା ପ୍ରଶାସନ ସିଲ୍ କରିଛି। ଯାଜପୁର ଓ ବ୍ୟାସନଗର ତହସିଲଦାର ମିଳିତ ଭାବେ ପୋଲିସ ଉପସ୍ଥିତିରେ ଏହି ଇଟାଭାଟି ୨ଟିକୁ ସିଲ୍ କରିଛନ୍ତି। ଚିମନୀ ଇଟାଭାଟି ବେଆଇନ ଭାବେ ଚାଲୁଥିବା ଓ ଏହାଯୋଗୁ ପ୍ରଦୂଷଣ ବଢୁଥିବା ନେଇ ନନ୍ଦିଘୋଷ ଟିଭିରେ ଖବର ପ୍ରସାରିତ ହୋଇଥିଲା।
ପରେ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ଏହି ଇଟାଭାଟି ବନ୍ଦ କରିବାକୁ କ୍ଲୋଜର ନୋଟିସ ଜାରି କରିଥିଲେ। ହେଲେ ଏହାକୁ ଅବମାନନା କରି ଇଟାଭାଟି ଚଳାଇଥିଲେ ମାଫିଆ। ଏନେଇ ସ୍ଥାନୀୟ ବାସିନ୍ଦା ଉଚ୍ଚ ନ୍ୟାୟାଳୟର ଦ୍ବାରସ୍ଥ ହୋଇ ଏକ ଜନସ୍ବାର୍ଥ ମାମଲା ରୁଜୁ କରିଥିଲେ।
