ନନ୍ଦିଘୋଷ ଟିଭି କନ୍ଧମାଳ ଜିଲ୍ଲା ରାଇକିଆ ପ୍ରତିନିଧିଙ୍କ ପରଲୋକ, ୩୭ ବର୍ଷ ବୟସରେ କଟକ ଏସସିବିରେ ମୃତ୍ୟୁ

କଟକ: ଆରପାରିରେ ନନ୍ଦିଘୋଷ ଟିଭିର ରାଇକିଆ ପ୍ରତିନିଧି କୁନାଲ ବେହେରା । ମାତ୍ର ୩୭ ବର୍ଷ ବୟସରେ ହୃଦଘାତରେ ପ୍ରାଣ ହରାଇଛନ୍ତି କନ୍ଧମାଳ ଜିଲ୍ଲା ରାଇକିଆର କୁନାଲ ବେହେରା । ଏସସିବିରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ଘରେ କୁନାଲଙ୍କ ପତ୍ନୀ ଓ ୫ ମାସର ଶିଶୁପୁତ୍ର ରହିଛନ୍ତି । ଭୁବନେଶ୍ବରରେ ସାମ୍ବାଦିକତା ଶିକ୍ଷା ପରେ ନନ୍ଦିଘୋଷ ଟିଭିରେ ଯୋଗଦେଇଥିଲେ କୁନାଲ । ସାମ୍ବାଦିକତା ମାଧ୍ୟମରେ ତୃଣମୂଳସ୍ତରରୁ ଖବର ସଂଗ୍ରହ କରୁଥିଲେ । ନିଜର ଦକ୍ଷତା ପ୍ରତିପାଦିତ କରି ଅନେକ ସ୍ଥାନରେ ପ୍ରଶଂସା ସାଉଁଟିଛନ୍ତି କୁନାଲ ।