ବରିଷ୍ଠ ସାମ୍ବାଦିକ ଚିରଞ୍ଜିତ ରାଜଗୁରୁଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କଲେ ନନ୍ଦିଘୋଷ ଟିଭି କର୍ମଚାରୀ

ଭୁବନେଶ୍ୱର: ବରିଷ୍ଠ ସାମ୍ବାଦିକ ଚିରଞ୍ଜିତ ରାଜଗୁରୁଙ୍କ ଅକାଳ ବିୟୋଗରେ ଶୋକପ୍ରକାଶ କରିଛି ନନ୍ଦିଘୋଷ ଟିଭି । ଭୁବନେଶ୍ବର ମୁଖ୍ୟ କାର୍ଯ୍ୟାଳୟରେ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ନନ୍ଦିଘୋଷ ଟିଭିର କର୍ମଚାରୀ । ଚିରଞ୍ଜିତଙ୍କ ସହିତ ବିତାଇଥିବା ସମୟକୁ ମନେ ପକାଇଥିଲେ ତାଙ୍କ ସହକର୍ମୀ ଓ ପରିଚିତ ବ୍ୟକ୍ତି । ନନ୍ଦିଘୋଷ ଟିଭିର ମୁଖ୍ୟ ସଂପାଦକ ଶିଶିର ଭଟ୍ଟମିଶ୍ର, ସିଓଓ ଜବର ସିଂ ପନଓ୍ବାରଙ୍କ ସମେତ ସମସ୍ତ କର୍ମଚାରୀ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି । ନିରବ ପ୍ରାର୍ଥନା କରି ଅମର ଆତ୍ମାର ସଦଗତି କାମନା କରିଛନ୍ତି ।

ଗତକାଲି ରାତିରେ ଜନ୍ତ୍ରଣା ଅନୁଭବ କରି ବ୍ରହ୍ମପୁର ବଡ଼ ମେଡିକାଲ ଭର୍ତ୍ତି ହୋଇଥିଲେ ବରିଷ୍ଠ ସାମ୍ବାଦିକ ଚିରଞ୍ଜିତ ରାଜଗୁରୁ । ଡାକ୍ତରଙ୍କ ଚେଷ୍ଟା ସତ୍ତ୍ବେ ସକାଳେ ତାଙ୍କର ପରଲୋକ ହୋଇଥିଲା । ଚିରଞ୍ଜିତଙ୍କ ଅକାଳ ମୃତ୍ୟୁ ସମସ୍ତ ସାମ୍ବାଦିକ ଓ ଓକିଲମାନଙ୍କୁ ମର୍ମାହତ କରିଛି । ଶେଷ ଦର୍ଶନ ପରେ ତାଙ୍କ ମର ଶରୀରକୁ ଏକ ବିରାଟ ପଟୁଆରରେ ସହର ପରିକ୍ରମା କରାଯାଇ ଅନ୍ତିମ ସଂସ୍କାର କରାଯାଇଛି ।