ସାଉଥ୍ କ୍ରେଜ; ହିନ୍ଦୀରେ ରିଲିଜ୍ ହେବାକୁ ଯାଉଛି ନନ୍ଦମୁରୀଙ୍କ ‘ଅଖଣ୍ଡ’ ଚଳଚ୍ଚିତ୍ର

ମୁମ୍ବାଇ: ବକ୍ସ ଅଫିସରେ କିଛି ବର୍ଷ ହେବ ସାଉଥ୍ ଫିଲ୍ମ ରେକର୍ଡ କରିଆସୁଛି । ତେଲୁଗୁ ଫିଲ୍ମ ଦେଶ ଏବଂ ଦେଶ ବାହାରେ ଲୋକପ୍ରିୟତା ହାସଲ କରିଛି । ତେବେ ତେଲୁଗ ଠାରୁ ଆରମ୍ଭ କରି ତାମିଲ, ମଲାୟାଲମ, କନ୍ନଡ ଅନେକ ଭାଷର ଫିଲ୍ମ ହିଟ୍ ହେବାରୁ ନିର୍ମାତା ଗୋଟିଏ ପରେ ଗୋଟିଏ ଫିଲ୍ମ ହିନ୍ଦିରେ ରିଲିଜ କରୁଛନ୍ତି । ବର୍ତ୍ତମାନ ନନ୍ଦମୁରୀ ବାଲକୃଷ୍ଣଙ୍କ ଅପକମିଙ୍ଗ ଫିଲ୍ମ ‘ଅଖଣ୍ଡ’ ହିନ୍ଦୀରେ ଆସିବାକୁ ଯାଉଛି । ଏହି ଫିଲ୍ମର ଦମଦାର୍ ଟ୍ରେଲର ବର୍ତ୍ତମାନ ରିଲିଜ ହୋଇଛି । ଯେଉଁଥିରେ ଦର୍ଶକମାନେ ନନ୍ଦମୁରୀଙ୍କୁ ଏକ ନୂଆ ରୂପରେ ଦେଖିବାକୁ ପାଇବେ ।

ଫିଲ୍ମ ‘ଅଖଣ୍ଡ’ ୨୦୨୧ ମସିହାରେ ତେଲୁଗୁ ଭାଷାରେ ରିଲିଜ ହୋଇସାରିଛି । ଏକ ବର୍ଷରୁ ଅଧିକ ସମୟ ହେବ ଫିଲ୍ମ ରିଲିଜ ହୋଇସାରିଥିବା ବେଳେ ବର୍ତ୍ତମାନ ପୁଣି ଥରେ ହିନ୍ଦିରେ ପରାଦା ଉପରକୁ ଆସିବାକୁ ଯାଉଛି । ଏହି ଫିଲ୍ମ ତେଲୁଗରେ ସୁପରହିଟ ହୋଇଥିବା ଯୋଗୁଁ ନିର୍ମାତା ଏହାକୁ ହିନ୍ଦିରେ ଡବିଂ କରିବାକୁ ଯାଉଛନ୍ତି । ନନ୍ଦମୁରୀଙ୍କ ପ୍ରଶଂସକମାନେ ଫିଲ୍ମଟି ହିନ୍ଦୀରେ ରିଲିଜକୁ ବେସ୍ ଉତ୍ସାହିତ ଅଛନ୍ତି ।

ଅଖଣ୍ଡ ଏକ ଆକ୍ସନ, ଡ୍ରାମା ଚଳଚ୍ଚିତ୍ର । ଏଥିରେ କାହାଣୀ ଏବଂ ନନ୍ଦମୁରୀଙ୍କ ଜବରଦସ୍ତ ଆକ୍ସନ ସହିତ ଦମଦାର ଡାଇଲଗ୍ ମଧ୍ୟ ରହିଛି । ଯହା ଦର୍ଶକମାନଙ୍କ ହୃଦୟକୁ ଜିଣି ପାରିଛି । ହିନ୍ଦୀ ଟ୍ରେଲର ଆସିବା ପରେ ଦର୍ଶକମାନେ ଏହି ଫିଲ୍ମକୁ ଦେଖିବା ପାଇଁ ଉତ୍କଣ୍ଠାର ସହ ଅପେକ୍ଷା କରିଛନ୍ତି ।

ଫିଲ୍ମ ‘ଅଖଣ୍ଡ’କୁ ନନ୍ଦମୁରୀଙ୍କ ସହିତ ବୋୟାପତି ଶ୍ରୀନୁ ଲେଖିବା ସହ ନିର୍ଦ୍ଦେଶନା ମଧ୍ୟ ଦେଇଛନ୍ତି । ଏହି ଫିଲ୍ମର ଟ୍ରେଲର କଲେକ୍ସନ ୧୩୦ କୋଟି ଟଙ୍କା ରହିଥିଲା । ହିନ୍ଦୀରେ ରିଲିଜ ହେବାକୁ ଥିବା ଏହି ଫିଲ୍ମର ଦାୟିତ୍ବ ନେଇଛନ୍ତି  ଡ. ଜୟନ୍ତିଲାଲ ଏବଂ ସାଜିଦ କୁରେଶୀ । ଅଖଣ୍ଡ ଫିଲ୍ମର ମୁକାବିଲା ଶାହାରୁଖ ଖାନଙ୍କ ଅପକମିଙ୍ଗ ଫିଲ୍ମ ‘ପଠାନ’ ଏବଂ ଅର୍ଜୁନ କାପୁରଙ୍କ ‘କୁତେ’ ଫିଲ୍ମ ସହ ହେବାକୁ ଯାଉଛି । ସୂଚନା ମୁତାବକ, ଫିଲ୍ମ ଅଖଣ୍ଡ ଜାନୁଆରୀ ୨୦ରେ ପରଦାକୁ ଆସିବାକୁ ଯାଉଥିବା ବେଳେ ‘କୁତେ’ ଜାନୁଆରୀ ୧୩ ଏବଂ ‘ପଠାନ’ ଜାନୁଆରୀ ୨୫ରେ ପରଦାକୁ ଆସିବ ।