ପଦ୍ମଶ୍ରୀ ଗ୍ରହଣ କରି ରାଷ୍ଟ୍ରପତିଙ୍କୁ କଲେ ଆଶୀର୍ବାଦ

ଭୁବନେଶ୍ୱର: ନନ୍ଦ କିଶୋର ପୃଷ୍ଟି, ସମସ୍ତଙ୍କ ଶ୍ରଦ୍ଧେୟ ନନ୍ଦ ସାର୍ । ବୟସ୍ ୧୦୨ ଟପିଲାଣି ହେଲେ ପିଲାଙ୍କୁ ପାଠ ପଢ଼ାଇବା ସେମିତି ଜାରି ରହିଛି । ସାହିତ୍ୟ ଓ ଶିକ୍ଷା କ୍ଷେତ୍ରରେ ଅତୁଳନୀୟ ଅବଦାନ ପାଇଁ ନନ୍ଦ ସାରଙ୍କୁ ସମ୍ମାନଜନକ ପଦ୍ମଶ୍ରୀ ଉପାଧି ପ୍ରଦାନ କରିଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ । ରାଷ୍ଟ୍ରପତି ଭବନରେ ରାଷ୍ଟ୍ରପତିଙ୍କ ଠାରୁ ସମ୍ମାନଜନକ ପଦ୍ମଶ୍ରୀ ପୁରସ୍କାର ଗ୍ରହଣ କରିଛନ୍ତି । ପଦ୍ମଶ୍ରୀ ଗ୍ରହଣ ସହ ନନ୍ଦ ସାର୍ ରାଷ୍ଟ୍ରପତିଙ୍କୁ ଆଶୀର୍ବାଦ ଦେଇଛନ୍ତି ।

President Kovind presents Padma Shri to Shri Nanda Prusty for Literature & Education. 102-yr-old “Nanda sir”, who provided free education to children and adults at Jajpur, Odisha for decades, raised his hands in a gesture of blessing the President. pic.twitter.com/4kXPZz5NCJ

— President of India (@rashtrapatibhvn) November 9, 2021

ଯାଜପୁର ସୁକିନ୍ଦା ବ୍ଲକ କନ୍ତିରା ଗାଁରେ ନନ୍ଦ ସାରଙ୍କ ଘର । ଆଖପାଖ ଅଞ୍ଚଳରେ ଚାଟଶାଳୀ ମାଷ୍ଟ୍ରେ ଭାବେ ଜଣାଶୁଣା ନନ୍ଦ ସାର୍ । ଦଶନ୍ଧି ଧରି ନନ୍ଦ ସାର୍ ଛୁଆ ଓ ବୟସ୍କଙ୍କୁ ମାଗଣାରେ ଶିକ୍ଷାଦାନ କରୁଛନ୍ତି । ୧୯୪୬ରୁ ନିରବଞ୍ଚିନ୍ନ ଭାବେ ଶିକ୍ଷାଦାନ କରୁଛନ୍ତି କନ୍ତିରା ଗାଁର ନନ୍ଦ କିଶୋର ପୃଷ୍ଟି । ସକାଳେ ୨ ଘଣ୍ଟା ଓ ଅପରାହ୍ଣରେ ୨ ଘଣ୍ଟା ଖୋଲେ ନନ୍ଦ ସାରଙ୍କ ଚାଟଶାଳୀ ।

President Shri Ram Nath Kovind presented #PadmaShri Award to Nanda Kishore Prusty from #Odisha in Literature & Education category for the year 2021

The 98-yr-old from Kantira village, Jajpur district popular as #NandaSir provides free education to children since independence. pic.twitter.com/hqrCwozLJ9

— DD News Odia (@DDNewsOdia) November 9, 2021

୧୯୩୯ ମସିହାରେ ହାତିବାରୀ ମାଇନର ସ୍କୁଲରୁ ସପ୍ତମ ପାସ୍ କରିଥିଲେ ନନ୍ଦ ସାର୍ । ଘରର ଆର୍ଥିକ ଅବସ୍ଥା ଭଲ ନଥିବାରୁ ଆଗକୁ ଆଉ ପାଠ ପଢ଼ି ପାରି ନଥିଲେ । ଫଳରେ ଚାଷରେ ମନ ବଳାଇ ଥିଲେ । ଗାଁ ଦାଣ୍ଡରେ ଖୋଲିଥିବା ନନ୍ଦସାରଙ୍କ ଚାଟଶାଳୀ ଏବେ ହନୁମାନ ମନ୍ଦିର ମଣ୍ଡପକୁ ଉଠିଆସିଛି । ଦିନେ ଜେଜେ ତାଙ୍କ ପାଖରେ ପଢୁଥିଲେ ଏବେ ନାତି ପଢୁଛି । ଜଣେ ଆଦର୍ଶ ଶିକ୍ଷକ ଓ ଧାର୍ମିକ ବ୍ୟକ୍ତି ଭାବେ ନନ୍ଦ ମାଷ୍ଟ୍ରେ ଆଖପାଖ ଅଞ୍ଚଳରେ ବେଶ୍ ଜଣାଶୁଣା ।