ହରିୟାଣାର ନୂଆ ମୁଖ୍ୟମନ୍ତ୍ରୀ ହେବେ ନାଏବ ସୈନି

ଚଣ୍ଡିଗଡ: ଖୁବଶୀଘ୍ର ହରିୟାଣାରେ ବଦଳିବ ସରକାର  । ନାଏବ ସୈନି ହରିୟାଣାର ନୂଆ ମୁଖ୍ୟମନ୍ତ୍ରୀ  । ବିଧାୟକ ଦଳ ବୈଠକରେ ଏହି ନିଷ୍ପତ୍ତି ହୋଇଛି  । ଔପଚାରିକ ଭାବେ ତାଙ୍କ ନାଁ ଘୋଷଣା ହେବାକୁ ବାକି ଅଛି  । ବିଧାୟକ ଦଳ ବୈଠକରେ ନାଏବ ସୈନିଙ୍କ ନାଁରେ ମୋହର ଲାଗିଛି  । ବୈଠକ ପରେ ବିଧାୟକ ଦଳର ନେତା ଭାବେ ସେ ଚୟନ ହୋଇଛନ୍ତି  ।

ମନୋହର ଲାଲ ଖଟ୍ଟର ସିଏମ ପଦରୁ ଇସ୍ତଫା ଦେବା ପରେ ନୂଆ ସିଏମଙ୍କ ନାମ ମନ୍ଥନ ପାଇଁ ବିଧାୟକ ଦଳ ବୈଠକ ବସିଥିଲା  । ଏହି ବୈଠକରେ କୁରୁକ୍ଷେତ୍ର ସାଂସଦ ତଥା ଭାଜପା ଅଧ୍ୟକ୍ଷ ନାଏବ ସିଂ ସୈନୀଙ୍କ ନାଁକୁ ସହମତି ମିଳିଛି  । ନାଏବ ସୈନୀ ଏବେ ରାଜଭବନ ଯାଇ ରାଜ୍ୟପାଳଙ୍କୁ ଭେଟିବେ  ।

ନାଏବ ସୈନୀ ହରିୟାଣାର ଓବିସି ଚେହେରା ଅଚନ୍ତି  । ବିଜେପିର ପ୍ରଦେସ ଅଧ୍ୟକ୍ଷ ହେବା ସହ ସେ କୁରୁକ୍ଷେତ୍ରର ସାଂସଦ ରହିଛନ୍ତି  । ପ୍ରଦେଶ ମହାମନ୍ତ୍ରୀ ସଙ୍ଗଠନରେ ହରିୟାଣା ବିଜେପିର ସହଯୋଗୀ ରୂପେ ୧୯୯୬ ରୁ ୨୦୦୦ ପର୍ଯ୍ୟନ୍ତ ସେ କାମ କରିଛନ୍ତି  । ୨୦୦୨ରେ ଯୁବମୋର୍ଚ୍ଚା ବିଜେପି ଅମ୍ବାଲାରୁ ସେ ଜିଲ୍ଲା ମହାମନ୍ତ୍ରୀ ରହିଥିଲେ  । ସେହିପରି ୨୦୦୫ରେ ଯୁବମୋର୍ଚ୍ଚା ଭାଜପାର ଅମ୍ବାଲା ଜିଲ୍ଲାର ଅଧ୍ୟକ୍ଷ ଥିଲେ  । ଗତ ୨୦୧୪ରେ ନାରାୟଣ ଗଢ ଆସନରୁ ସେ ବିଧାୟକ ଥିଲେ  । ଏହାପରେ ୨୦୧୬ରେ ହରିୟାଣା ସରକାରରେ ମନ୍ତ୍ରୀ ପଦରେ ଦାୟିତ୍ବ ତୁଲାଇଥିଲେ । ୨୦୧୯ରେ କୁରୁକ୍ଷେତ୍ର ସାଂସଦ ରୂପେ ନିର୍ବାଚିତ ହୋଇଥିଲେନାଏବ ସୈନି  ।