ଆତଙ୍କବାଦୀ ସଂଗଠନ ଜୈସ୍ ଟାର୍ଗେଟରେ ଆରଏସ୍ଏସ୍

ମୁମ୍ବାଇ: ଆତଙ୍କବାଦୀ ସଂଗଠନ ଜୈସ୍ ଏ ମହମ୍ମଦ ଟାର୍ଗେଟରେ ଆରଏସ୍ଏସ୍ ମୁଖ୍ୟାଳୟ ସମେତ ଅନେକ ଗୁରୁତ୍ୱପୂର୍ଣ୍ଣ ସ୍ଥାନ । ଏନେଇ ପ୍ରେସମିଟରେ ଖୁଲାସା କରିଛନ୍ତି ନାଗପୁର ପୋଲିସ କମିଶନର । ପୋଲିସର ଏଭଳି ଖୁଲାସା ପରେ ନାଗପୁରସ୍ଥିତ ଆରଏସ୍ଏସ୍ ମୁଖ୍ୟାଳୟ ସମେତ ଅନ୍ୟ ସ୍ଥାନରେ ସୁରକ୍ଷା ବ୍ୟବସ୍ଥାକୁ ବଢ଼ାଇ ଦିଆଯାଇଛି ।

Maharashtra | Yesterday, we received info that a few Jaish-e-Mohammed terrorists conducted a recce of some places in Nagpur. We have registered an offence under the Unlawful Activities (Prevention) Act, it is being investigated by the Crime Branch: Nagpur Police Commissioner pic.twitter.com/s1idwLxMJS

— ANI (@ANI) January 7, 2022

ଆତଙ୍କବାଦୀ ସଂଗଠନ ଜୈସ୍ ଏ ମହମ୍ମଦ ରାଡାରରେ ନାଗପୁର ଆରଏସ୍ଏସ୍ ମୁଖ୍ୟାଳୟ ଓ ଅନ୍ୟ ଗୁରୁତ୍ୱପୂର୍ଣ୍ଣ ସ୍ଥାନ ଥିବା କହିଛନ୍ତି ପୋଲିସ କମିଶନର । ଏପରିକି ଆତଙ୍କୀ ସଂଗଠନ ଜୈସ୍ ନାଗପୁରର ସମ୍ବେଦନଶୀଳ ସ୍ଥାନର ରେକି କରିଥିବା ପୋଲିସ କମିଶନର ସୂଚନା ଦେଇଛନ୍ତି ।

ଏହି ସୂଚନା ମିଳିବା ପରେ ସମସ୍ତ ଗୁରୁତ୍ୱପୂର୍ଣ୍ଣ ଓ ସମ୍ବେଦନଶୀଳ ସ୍ଥାନରେ ସୁରକ୍ଷାକୁ ବଢ଼ାଇ ଦିଆଯାଇଛି । ସେସବୁ ସ୍ଥାନରେ ଅତିରିକ୍ତ ପୋଲିସ ମୁତୟନ କରାଯାଇଛି । ଆରଏସ୍ଏସ୍ ମୁଖ୍ୟାଳୟ ପରିସର ସହ ଆଖପାଖ ସ୍ଥାନରେ ଫଟୋଗ୍ରାଫି ଓ ଡ୍ରୋନ୍ ଉଡ଼ାଣ ଉପରେ ରୋକ୍ ଲଗା ଯାଇଛି । ସୂଚନା ଅନୁସାରେ, ଜୈସ୍ ଆତଙ୍କବାଦୀ ପ୍ରାୟ ୨ରୁ ୩ ମାସ ତଳେ ନାଗପୁର ଆସି ରେକି କରିଥିଲେ ।