ଶ୍ରୀମନ୍ଦିରରେ ଅଚାନକ ପଶିଲେ ନାଗା ସାଧୁ

1 min read

ପୁରୀ: ଆଜିଠୁ ଶ୍ରୀମନ୍ଦିର ଖୋଲିଥିବା ବେଳେ ସେବାୟତ ଓ ସେମାନଙ୍କ ପରିବାର ସଦସ୍ୟଙ୍କୁ ଦର୍ଶନ ଅନୁମତି ମିଳିଛି । ଏଭଳି ସମୟରେ ଶ୍ରୀ ଜଗନ୍ନାଥ ମନ୍ଦିରରେ ଅଚାନକ୍ ପ୍ରବେଶ କରିଛନ୍ତି ଜଣେ ନାଗା ସାଧୁ ।

https://www.facebook.com/NandighoshaTV/videos/715990746014421

ସୂଚନା ଅନୁସାରେ କଡ଼ା ସୁରକ୍ଷା ବଳୟ ଭାଙ୍ଗି ଶ୍ରୀମନ୍ଦିର ଭିତରକୁ ଅଚାନକ ଜଣେ ନାଗା ସାଧୁ ପଶି ଯାଇଛନ୍ତି। ସିଂହଦ୍ୱାର ଦେଇ ବାଇଶି ପାହାଚରେ ଦୌଡ଼ି ଦୋଡ଼ି ଯାଉଥିବା ବେଳେ ତାଙ୍କୁ ଧରିବା ପାଇଁ ପଛରେ ଜେଟିପି କର୍ମଚାରୀ ଦୌଡ଼ିଥିଲେ। ପରବର୍ତ୍ତୀ ସମୟରେ ନାଗା ସାଧୁଙ୍କୁ କାବୁ କରାଯାଇ ପାରିଥିଲା।

ସେପଟେ ନିଜକୁ ମହାପ୍ରଭୁଙ୍କ ସେବକ ବୋଲି କହିଛନ୍ତି ନାଗା ସାଧୁ। ଆଉ ଏଥିସହ ଶ୍ରୀଜିଉଙ୍କ ଦର୍ଶନ ପାଇ ନିଜକୁ ଧନ୍ୟ ମନେ କରିଥିବା ସେ କହିଛନ୍ତି । ତେବେ କଡ଼ା ସୁରକ୍ଷା ବଳୟ ଡେଇଁ କେମିତି ନାଗା ସାଧୁ ମନ୍ଦିର ଭିତରକୁ ଗଲେ ତାକୁ ନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି ।

Leave a Reply