ଜିନପିଙ୍ଗଙ୍କ ବୈଠକରୁ ପୂର୍ବତନ ରାଷ୍ଟ୍ରପତିଙ୍କୁ ତଡ଼ି ଦେଲେ

ବେଜିଂ: ଚୀନର ପୂର୍ବତନ ରାଷ୍ଟ୍ରପତି ହୁ ଜିଣ୍ଟାଓଙ୍କୁ ଘୋର ଅପମାନ । ତାହା ପୁଣି ରାଷ୍ଟ୍ରପତି ସି ଜିନପିଙ୍ଗଙ୍କ ଉପସ୍ଥିତିରେ । ଜିନପିଙ୍ଗ ତୃତୀୟ ଥର ପାଇଁ ରାଷ୍ଟ୍ରପତି ହେବା ପରେ ଅନ୍ତିମ ଅଧିବେଶନରେ ଜିଣ୍ଟାଓଙ୍କୁ ଦିଆଯାଇଛି ଏମିତି ଅପମାନ । ଦୁଇ ଜଣ ସୁରକ୍ଷା କର୍ମୀ ତାଙ୍କୁ ତାଙ୍କ ଆସନରୁ ବଳ ପୂର୍ବକ ଉଠାଇ ବାହାରେ ଛାଡି ଦେଇଥିଲେ । ତାହା ପୁଣି ସାରା ବିଶ୍ବର ଗଣମାଧ୍ୟମ ପ୍ରତିନିଧିଙ୍କ ଆଗରେ ।

ସୂଚନାଯୋଗ୍ୟ, ବେଜିଂରେ ଆୟୋଜିତ ସିପସି (କମ୍ୟୁନିଷ୍ଟ ପାର୍ଟି କଂଗ୍ରେସ)ର ଅନ୍ତିମ ଅଧିବେଶନରେ ଏମିତି ହାଇଡ୍ରାମା ଦେଖିବାକୁ ମିଳିଥିଲା । ଦୁଇ ସୁରକ୍ଷାକର୍ମୀ ଜିଣ୍ଟାଓଙ୍କୁ ସ୍ଥାନ ଛାଡ଼ିବା ପାଇଁ ବାଧ୍ୟ କରିଥିଲେ । ୭୯ ବର୍ଷୀୟ ହୁ ଜିଣ୍ଟାଓ ଚୀନ ରାଷ୍ଟ୍ରପତି ଜି ଜିନପିଙ୍ଗ ଏବଂ ଅନ୍ୟ ନେତାମାନଙ୍କ ସହ ଆଗ ଧାଡ଼ିରେ ବସିଥିବା ବେଳେ ତାଙ୍କୁ ସୁରକ୍ଷାକର୍ମୀ ଆସି ଉଠିବାକୁ କହିଥିଲେ । ଏହା ଶୁଣି ସେଠାରେ ଉପସ୍ଥିତି ଅନ୍ୟମାନେ ଆଶ୍ଚର୍ଯ୍ୟ ହୋଇଯାଇଥିଲେ ବି ଜିନପିଙ୍ଗ ଏଥିପ୍ରତି ଧ୍ୟାନ ଦେଇନଥିଲେ ।

ଅର୍ନେଟ ଗ୍ରେଟ୍ ହଲରେ ଆୟୋଜିତ ଏହି କାର୍ଯ୍ୟକ୍ରମରେ ୨ ହଜାର ୨୯୬ ପ୍ରତିନିଧି ଏବଂ ଅଧିକାରୀ ଯୋଗ ଦେଇଥିଲେ । ସ୍ଥାନୀୟ ଓ ବିଦେଶୀ ଗଣମାଧ୍ୟମର ଉପସ୍ଥିତିରେ ସିପିସି ଅଧିବେଶନରେ ଏଭଳି ଦୃଶ୍ୟ ବିଶ୍ବବ୍ୟାପୀ ଚର୍ଚ୍ଚାର ବିଷୟ ପାଲଟିଛି । ଏହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲଶଗିଛି ।

ସୂଚନାଯୋଗ୍ୟ, ହୁ ଜିଣ୍ଟାଓ ୨୦୧୨ରେ ରାଷ୍ଟ୍ରପତି ହୋଇଥିଲେ । ସେ ୧୦ ବର୍ଷ ଚୀନ ମୁଖଇଆ ଭାବେ ରହିବା ପରେ ଜି ଜିନପିଙ୍ଗଙ୍କୁ କ୍ଷମତା ହସ୍ତାନ୍ତର କରିଥିଲେ । ଜିନପିଙ୍ଗଙ୍କ କେତେକ ନୀତିକୁ ଜିଣ୍ଟାଓ ସମାଲୋଚନା କରିଥିବା କାରଣରୁ ତାଙ୍କୁ ଏଭଳି ଅପମାନର ସମ୍ମୁଖୀନ ହେବାକୁ ପଡିଲା ବୋଲି କୁହାଯାଉଛି ।