ନନ୍ଦିଘୋଷ ବ୍ୟୁରୋ : ମିଆଁମାରର ଅଳ୍ପସଂଖ୍ୟକ ସମୁଦାୟ ବିଶିଷ୍ଟ ମୁସଲିମ୍ ରୋହିଙ୍ଗ୍ୟା ନାଗରିକ ଦେଶ ଛାଡୁଥିବା ବେଳେ ଡ୍ରୋନ୍ ଆକ୍ରମଣ । ଯେଉଁଥିରେ ପାଖାପାଖି ୧୫୦ ରୋହିଙ୍ଗ୍ୟା ନାଗରିକଙ୍କ ମୃତ୍ୟୁ ଘଟିଛି । ମୃତକଙ୍କ ମଧ୍ୟରେ ମହିଳା, ଶିଶୁଙ୍କ ଠୁ ଆରମ୍ଭ କରି ବୃଦ୍ଧ ମଧ୍ୟ ଥିଲେ ଏବଂ ନଦୀ କୂଳରେ ଏମାନଙ୍କ ଶବ ଛିନ୍ନଭିନ୍ନ ହୋଇ ପଡିଥିବା ଦେଖିବାକୁ ମିଳିଛି ।
ଡ୍ରୋନ୍ ଆକ୍ରମଣ ବିଷୟରେ ସୂଚନା ଦେଇ ଚାରିଜଣ ସାକ୍ଷୀ ଏବଂ କାର୍ଯ୍ୟକର୍ତ୍ତା କହିଛନ୍ତି ଯେ, ଏହି ରୋହିଙ୍ଗ୍ୟା ମୁସଲମାନମାନେ ପଡୋଶୀ ମୁସଲିମ୍ ଦେଶ ବାଂଲାଦେଶ ଯିବାକୁ ଚେଷ୍ଟା କରୁଥିଲେ। ଏହି ଲୋକମାନେ ବାଂଲାଦେଶର ନଫ୍ ନଦୀ ପାର ହୋଇ ମାଉଁଣ୍ଡୋ ସହରରୁ ଖସିଯିବାକୁ ଚେଷ୍ଟା କରୁଥିଲେ। ଅନ୍ୟପକ୍ଷେ ରାଜ୍ୟର ରାଖୀନ୍ ଜାତିର ସାମରିକ ବାହିନୀ ଅରାକାନ୍ ସେନା ରୋହିଙ୍ଗ୍ୟା ଲୋକଙ୍କ ଉପରେ ହୋଇଥିବା ଆକ୍ରମଣ ପାଇଁ ଦାୟୀ ନୁହେଁ ବୋଲି ମନା କରିଦେଇଛି ।
