ଏକନାଥ ସିନ୍ଦେ ସରକାର ବିରୋଧରେ ମୁମ୍ବାଇରେ ‘MVA’ର ମହାରାଲି

ମୁମ୍ବାଇ: ମହାରାଷ୍ଟ୍ର ଏକନାଥ ସିନ୍ଦେ ସରକାର ବିରୋଧରେ ମୁମ୍ବାଇରେ ମହା ବିକାଶ ଅଘାଡ଼ି ବା ଏମଭିଏର ମହାରାଲି । ଆୟୋଜିତ ହଲ୍ଲାବୋଲ ପ୍ରତିବାଦ ଆନ୍ଦୋଳନରେ ସାମିଲ ହେଲେ ହଜାର ହଜାର କର୍ମୀ । ଏହି ସମାବେଶରେ ଏନସିପି ସୁପ୍ରିମୋ ଶରଦ ପାଓ୍ବାର, ଏନସିପି ନେତା ଦିଲୀପ ଓ୍ବାଲସେ ପାଟିଲ, ଶିବସେନା ନେତା ଉଦ୍ଧବ ଠାକରେ ପ୍ରମୁଖ ଯୋଗଦେଇଥିଲେ । ବାଇକୋଲାସ୍ଥିତ ଜେ.ଜେ. ହସ୍ପିଟାଲରୁ ଏହି ରାଲି ବାହାରି ଛତ୍ରପତି ଶିବାଜୀ ମହାରାଜ ଟର୍ମିନସ ନିକଟରେ ପହଞ୍ଚିଥିଲା ।

ରାଜ୍ୟର ବିଭିନ୍ନ ପ୍ରସଙ୍ଗ ତଥା ଛତ୍ରପତି ଶିବାଜୀ ମହାରାଜ, ସମାଜ ସଂସ୍କାରକ ମହାତ୍ମା ଜ୍ୟୋତିବା ଫୁଲେ ଓ ସାବିତ୍ରୀ ଫୁଲେଙ୍କ ପ୍ରତି ରାଜ୍ୟପାଳ ଭଗତ ସିଂ କୋସିଆରୀଙ୍କ ଅରୁଚିକର ମନ୍ତବ୍ୟ ବିରୋଧରେ ଏହି ମେଗାରାଲି ଅନୁଷ୍ଠିତ ହୋଇଛି । ଗତ ଜୁନରେ ଏକନାଥ ସିନ୍ଦେଙ୍କ ଦ୍ୱାରା ଉଦ୍ଧବ ଠାକରେ ସରକାରର ପତନ ପରେ ଏହି ବୃହତ ରାଲି ଆୟୋଜିତ ହୋଇଛି । ସେପଟେ ଏମଭିଏ ରାଲି ପ୍ରତିବାଦରେ ବିଜେପି ପକ୍ଷରୁ ବି ଆୟୋଜିତ ହୋଇଛି ସମାବେଶ ।