ଏହି କାରଣରୁ ମୁଜାଫରନଗର ଯିବେନି ରାକେଶ ଟିକାୟତ…

ମୁଜାଫରନଗର: ଉତ୍ତରପ୍ରଦେଶର ମୁଜାଫରନଗରରେ ରବିବାର ଦିନ କୃଷକଙ୍କ ଏକ ବଡ ମହାପଞ୍ଚାୟତ ହେବାକୁ ଯାଉଛି । ଜିଆଇସି ଗ୍ରାଉଣ୍ଡରେ ହେବାକୁ ଥିବା ମହାପଞ୍ଚାୟତରେ କୃଷକ ନେତା ରାକେଶ ଟିକାୟତ ମଧ୍ୟ ସାମିଲ ହେବେ । କିନ୍ତୁ ଏନେଇ ସେ କହିଛନ୍ତି ଯେ, ଆଉ କେବେବି ଏହି ମାଟି ମାଡିବେ ନାହିଁ ।

ସୂଚନା ଅନୁଯାୟୀ, ଟିକାୟତ ମୁଜାଫରନଗରର ବାସିନ୍ଦା ହୋଇଥିଲେ ମଧ୍ୟ କୃଷକ ଆନ୍ଦୋଳନ ଆରମ୍ଭ ହେବା ଦିନରୁ ସେ କେବେବି ଏଠାକୁ ଆସିନଥିବା ଜଣାପଡିଛି । ଏନେଇ ସେ କହିଛନ୍ତି ଯେ, ଏହାକୁ ନେଇ ଯିଏ ଯାହା ଭାବୁଛି ଭାବୁ କିନ୍ତୁ ଯେପର୍ଯ୍ୟନ୍ତ ଆଇନ ପ୍ରତ୍ୟାହାର ନହୋଇଛି ସେଯାଏଁ ଘରକୁ ଫେରିବେ ନାହିଁ ।

ସେ ଆହୁରି ମଧ୍ୟ କହିଛନ୍ତି ଯେ, ଗାଁ, ସମାଜ ଓ ସଂଯୁକ୍ତ ମୋର୍ଚ୍ଚା ମୋତେ ଏହାର ଅନୁମତି ଦେଉନାହିଁ । ଆଉ ଯେ ପର୍ଯ୍ୟନ୍ତ ଆଇନ ପ୍ରତ୍ୟାହାର ହୋଇନି, ସେ ପର୍ଯ୍ୟନ୍ତ ଘରକୁ ଯିବାର ନାହିଁ । ଯେଉଁଥିପାଇଁ ଆମେ ମୁଜାଫରନଗର ଯାଇପାରିବୁ ନାହିଁ । ସେଥିପାଇଁ ଆମେ ଗଲିୟାରେ ଦେିକି ଯିବୁ ଓ ହାଇୱେରୁ ମଞ୍ଚ ଯାଏଁ ଯିବୁ । ପରେ ସେଠାରୁ ଫେରି ଆସିବୁ। ଯେଉଁ ସ୍ଥାନରୁ ରୋଡ୍ ଜାମ୍ ହେବ ସେଠାରୁ ବାଇକ୍ ରାଲି କରିକି ମଞ୍ଚ ରେ ପହଞ୍ଚିବୁ ।