କରୋନା ସାଙ୍ଗକୁ ଖାଉଟିଙ୍କୁ ତେଲ ଚଡ଼କ, ୨ ଶହ ଟପିଲା ସୋରିଷ ତେଲର ବଜାର ମୂଲ୍ୟ
ଭୁବନେଶ୍ୱର: ରୋଷେଇ ଘରେ ମହଙ୍ଗା ମାଡ଼ । ଗ୍ୟାସ ଦରବୃଦ୍ଧିକୁ ନେଇ ତ୍ରାହି ତ୍ରାହି ଡାକୁଥିବା ମଧ୍ୟବିତ୍ତ ପରିବାର ଉପରେ ଖାଇବା ତେଲ ଦର ବିଶେଷ ପ୍ରଭାବ ପକାଇଛି । କେନ୍ଦ୍ର ସରକାରଙ୍କ ଅତ୍ୟଧିକ ଟିକସ ଯୋଗୁଁ ଦର ଏବେ ୨ ଶହ ଟପିଛି । ରୋଷେଇ ଘରେ ମହଙ୍ଗା ମାଡ଼ । ଗ୍ୟାସ ଦରବୃଦ୍ଧିକୁ ନେଇ ତ୍ରାହି ତ୍ରାହି ଡାକୁଥିବା ମଧ୍ୟବିତ୍ତ ପରିବାର ଉପରେ ଖାଇବା ତେଲ ଦର ବିଶେଷ ପ୍ରଭାବ ପକାଇଛି । କେନ୍ଦ୍ର ସରକାରଙ୍କ ଅତ୍ୟଧିକ ଟିକସ ଯୋଗୁଁ ଦର ଏବେ ୨ ଶହ ଟପିଛି ।
ପୂର୍ବବର୍ଷ ମାନଙ୍କ ଅପେକ୍ଷା ସୋରିଷର ଉତ୍ପାଦନ ଆମ ଦେଶରେ ବଢିଛି । ଅନ୍ୟପଟେ କରୋନା ମୁକାବିଲା ପାଇଁ ବର୍ଦ୍ଧିତ ଟଙ୍କାକୁ ବ୍ୟବହାର କରାଯାଉଥିବା କହିଛି କେନ୍ଦ୍ର । କିନ୍ତୁ ଏହାକୁ ସହଜରେ ହଜମ କରି ପାରିନାହାନ୍ତି ପୂର୍ବତନ ଅର୍ଥମନ୍ତ୍ରୀ । ସାଧାରଣ ଲୋକଙ୍କ ଝାଳବୁହା ଟଙ୍କାକୁ ଲୁଟି କର୍ପୋରେଟଙ୍କୁ ବଞ୍ଚାଇବା ଲାଗି କେନ୍ଦ୍ର ସରକାରଙ୍କ ଏହା ଗୋଟିଏ ଚାଲ ବୋଲି କହିବା ସହ ପେଟ୍ରୋଲ ଡିଜେଲ ଦରବୃଦ୍ଧି କାରଣରୁ ତେଲ ଓ ଗ୍ରୋସରି ଦର ବଢୁଥିବା କହିଛନ୍ତି ପଞ୍ଚାନନ । କରୋନା କାଳରେ ଦେଶର ଅର୍ଥନୀତି ଭୁଶୁଡି ପଡିଥିବା ବେଳେ ତେଲ ଦର ବୃଦ୍ଧି ବେଡି ଉପରେ କୋରଡ଼ା ମାଡ଼ ସଦୃଶ ହୋଇଛି ।
