ବାଂଲାଦେଶ ସାମ୍ପ୍ରଦାୟିକ ହିଂସା ପଛରେ ମୁସଲିମ ଯୁବକ

1 min read

ଢାକା: ବାଂଲାଦେଶରେ ଦଶହରାଠାରୁ ଲାଗି ରହିଥିବା ହିଂସା ପଛରେ ମୁସଲମାନ ଯୁବକ । ହିନ୍ଦୁ ଓ ମୁସଲିମଙ୍କ ମଧ୍ୟରେ ବିଭ୍ରାଟ ସୃଷ୍ଟି କରି ହିଂସା ଘଟାଇବାକୁ ଦୁର୍ଗାପୂଜା ପେଣ୍ଡାଲରେ ଜାଣିଶୁଣି ରଖିଥିଲା କୋରାନ । ଅଭିଯୁକ୍ତ ଜଣଙ୍କ ଇକବାଲ ହୁସେନ ବୋଲି ଚିହ୍ନଟ କରାଯାଇଛି । ଏବେ ସେ ଫେରାର ଥିବା ପୋଲିସ କହିଛି ।

ବାଂଲାଦେଶ ସ୍ବାଧୀନ ହେବା ପରଠାରୁ ଛୋଟମୋଟ ସାମ୍ପ୍ରଦାୟିକ ମତଭେଦ ଦେଖା ଦେଉଥିଲେ ବି ଗତ ଦୁର୍ଗାପୂଜାରେ ସବୁ ସୀମା ଟପି ଯାଇଥିଲା ହିନ୍ଦୁଙ୍କ ପ୍ରତି ଉଗ୍ର ମନୋଭାବ ରଖୁଥିବା କିଛି ଲୋକଙ୍କର । ଦୁଇ ଗୋଷ୍ଠୀ ମଧ୍ୟରେ ସାମ୍ପ୍ରଦାୟିକ ହିଂସା ଘଟାଇବାକୁ ରଚିଥିଲେ ଷଡଯନ୍ତ୍ର । ଯାହାର ଶିକାର ହୋଇଥିଲେ ନିରୀହ ହିନ୍ଦୁ । ଏକାଧିକ ମନ୍ଦିର ଭାଙ୍ଗିବା ସହ ୭ ଜଣ ହିନ୍ଦୁଙ୍କୁ ହତ୍ୟା କରିଯାଇଥିଲା ।

ଢାକା ଟ୍ରିବ୍ୟୁନ ରିପୋର୍ଟ ଅନୁସାରେ ଫେରାର ଅଭିଯୁକ୍ତ ଇକବାଲର ତଲାସୀ ଚଲାଥିବା ବାଂଲା ପୋଲିସ କହିଛି । ପୋଲିସ ସୂଚନା ଅନୁସାରେ ଅକ୍ଟୋବର ୧୩ ତାରିଖରେ ଇକବାଲ କୋରାନକୁ ଦୁର୍ଗା ପେଣ୍ଡାଲରେ ରଖିଥିଲା । ପୂଜା ପେଣ୍ଡାଲ ବାହାରେ ଲଗିଥିବା ସିସିଟିଭିରୁ ଏହି ପ୍ରମାଣ ପୋଲିସ ହାତରେ ଲାଗିଛି । ଇକବାଲ ଜଣେ ବଦମାସ ସ୍ବଭାବର ପିଲା ଓ ତା’ର କୌଣସି ରାଜନୈତିକ ଦଳ ସହ ସମ୍ପର୍କ ଅଛି କି ନାହିଁ ଏପର୍ଯ୍ୟନ୍ତ ଜଣାପଡ଼ିନି ।

ଦେଶରେ ଦେଖା ଦେଇଥିବା ହିଂସାରେ ବର୍ତ୍ତମାନ ସୁଦ୍ଧା ୪୫୦ ଜଣଙ୍କୁ ଗିରଫ କରାଯାଇଛି । ବିଶେଷ କରି କମିଲା ଜିଲ୍ଲା ହିଂସାକୁ ନେଇ ବର୍ତ୍ତମାନ ସୁଦ୍ଧା ୪ଟି ମାମଲା ରୁଜୁ କରାଯାଇ ୪୧ ଜଣଙ୍କୁ ଗିରଫ କରାଯାଇଛି । ଇକବାଲର ୪ ଜଣଙ୍କ ସମ୍ପର୍କରେ ଥିଲା । ବାଂଲାଦେଶ ଗୃହମନ୍ତ୍ରୀଙ୍କ କହିବା ଅନୁସାରେ ଇକବାଲ ବାରମ୍ବାର ସ୍ଥାନ ପରିବର୍ତ୍ତନ କରୁଥିବାରୁ ତାକୁ ଧରିବାରେ ସମସ୍ୟା ହେଉଛି ।

କେବଳ ସାମ୍ପ୍ରଦାୟିକ ହିଂସାକୁ ନେଇ ୭୨ଟି ମାମଲା ରୁଜୁ କରାଯାଇଛି । ଏହି ହିଂସାରେ ହଜାର ହଜାର ହିନ୍ଦୁଙ୍କ ଘର ଓ ଦୋକାନରୁ ଲୁଟ ହୋଇଛି । ଏକାଧିକ ମନ୍ଦିର ଓ ଦୁର୍ଗାପୂଜା ପେଣ୍ଡାଲକୁ ଭାଙ୍ଗି ନଷ୍ଟ କରିଦିଆଯାଇଛି ।

Opn Commnet Area

Leave a Reply

Your email address will not be published. Required fields are marked *