ଲକଡାଉନ୍: ୧୦ ଜଣ ଶ୍ରମିକଙ୍କୁ ଫ୍ଲାଇଟ୍ ଟିକେଟ୍ କରି ଘରକୁ ପଠାଇଲେ ଛତୁ ଚାଷୀ

ନୂଆଦିଲ୍ଲୀ: ଲକଡାଉନରେ ଫସିଥିବା ଶ୍ରମିକଙ୍କୁ ସାହାଯ୍ୟ କଲେ ଛତୁଚାଷୀ । ୨ ମାସ ପରେ ବିମାନ ଉଡ଼ାଣ ଆରମ୍ଭ ହେବା ପରେ ଛତୁ ଚାଷୀ ଜଣଙ୍କ ଶ୍ରମିକମାନଙ୍କୁ ବିମାନରେ ଦିଲ୍ଲୀରୁ ବିହାର ପଠାଇଛନ୍ତି । ଯାହାକୁ ନେଇ ଖୁସିବ୍ୟକ୍ତ କରିଛନ୍ତି ଘରକୁ ଫେରିଥିବା ଶ୍ରମିକ ।

ଶ୍ରମିକମାନେ ଲକଡାଉନ ପରେ ଦିଲ୍ଲୀ ସମସ୍ତିପୁରରୁ ପାଟଣା ଆସିବାକୁ ଚାହୁଁଥିଲେ । ବସ୍, ଟ୍ରେନ୍ ଚାଲୁନଥିବାରୁ ସେମାନେ ଘରକୁ ଚାଲିଚାଲି କିମ୍ବା ସାଇକେଲରେ ଫେରିଥାନ୍ତି । କିନ୍ତୁ, ତାହା ସମ୍ଭବ ହୋଇନଥିଲା । ଏପରିକି କେବେ ବିମାନରେ ଉଡ଼ିବେ ବୋଲି ଭାବି ନଥିଲେ ବୋଲି ଶ୍ରମିକମାନେ କହିଛନ୍ତି ।

ସେମାନେ ଛତୁଚାଷୀ ପପ୍ପନ ସିଂଙ୍କୁ ଧନ୍ୟବାଦ ଦେଇଛନ୍ତି । ୫୦ ବର୍ଷୀୟ ଛତୁ ଚାଷୀ ପପ୍ପନ, ଶ୍ରମିକଙ୍କ ପାଇଁ ୬୮ ହଜାର ଟଙ୍କାର ବିମାନ ଟିକେଟ୍ କିଣିବା ସହ ସମସ୍ତଙ୍କୁ ୩ ହଜାର ଟଙ୍କା ଲେଖାଏଁ ଦେଇଥିଲେ । ନିଜ ଗାଡ଼ିରେ ଆଣି ଦିଲ୍ଲୀ ବିମାନବନ୍ଦରରେ ମଧ୍ୟ ଛାଡ଼ିଥିଲେ ।

କଟକରେ ଡାକ୍ତର ହେଲେ କରୋନା ଆକ୍ରାନ୍ତ