ସଠିକ ସମୟରେ ଗୁଳି ବାହାରିଥିଲେ, ମୁଶାରଫଙ୍କ ମୃତ୍ୟୁକୁ ୨୪ ବର୍ଷ ପୁରିଥାନ୍ତା…

ନନ୍ଦିଘୋଷ ବ୍ୟୁରୋ: ମେଡିକାଲରେ ଦୀର୍ଘ ଦିନର ସଂଘର୍ଷ ଲଢି ଶେଷରେ ଆଖି ବୁଜିଛନ୍ତି ପାକିସ୍ତାନର ପୂର୍ବତନ ମୁଖ୍ୟମନ୍ତ୍ରୀ ପରଭେଜ ମୁଶାରଫ  । ଯଦି ସେଦିନ ଭାରତୀୟ ବାୟୁସେନାରୁ ଗୁଳି ବାହାରିନଥାନ୍ତା, ତେବେ ମୁଶାରଫଙ୍କ ମୃତ୍ୟୁକୁ ୨୪ ବର୍ଷ ପୁରନ୍ତାଣି  ।  ବହୁ ଆଗରୁ ମରିସାରନ୍ତେଣି ପରଭେଜ ମୁଶାରଫ  । ଭାରତ ହାତରେ ଯାଇଥାନ୍ତା ଜୀବନ  । କେବଳ ଦଇବର ସଂଯୋଗ ପାଇଁ ସେଦିନ ଜୀବନ ଫେରିପାଇଥିଲେ ପରଭେଜ  । ଏକ ଅକୁହା କାହାଣୀ  । ଯାହାର ଦସ୍ତାବିଜ କେବଳ ଭାରତୀୟ ସେନା ପାଖରେ  ।

ଚରମସୀମାରେ କାର୍ଗିଲ ଯୁଦ୍ଧ  । ଗୋଳା ବାରୁଦ ବର୍ଷଣର ଶବ୍ଦ କାନକୁ ଅଥୟ କରୁଥିଲା  । ପାକିସ୍ତାନ ଆର୍ମି ଚିଫ୍ ପରଭେଜ ମୁଶାରଫ ଓ ତତ୍କାଳୀନ ପ୍ରଧାନମନ୍ତ୍ରୀ ନୱାଜ ସରିଫ ଏଲଓସି ନିକଟସ୍ଥ ଗୁଲଟରୀ ସେନା କ୍ୟାମ୍ପରେ ଥାଆନ୍ତି  । ଆଉ ସେହିଦିନ ହିଁ ଏଲଓସି ଉପରେ ପଇଁନ୍ତରା ମାରୁଥାଏ ଭାରତୀୟ ଲଢୁଆ ବିମାନ ଜାଗୁଆର  । ଦୁଇଟି ବିମାନ ନେଇଥାଏ ଦାୟିତ୍ୱ  । ସେହିଦିନ ହିଁ ପାକିସ୍ତାନ ଉପରେ ବମ୍ ଟାର୍ଗେଟ କରିଥାନ୍ତା ଫାଇଟର ଜେଟ୍  ।

୨୪ ଜୁନ୍ ୧୯୯୯ ମସିହା  । ଏଲଓସିର ଗୁଲଟାରୀରେ ହିଁ ଭାରତୀୟ ବାୟୁସେନା ବୋମା ବର୍ଷଣ କରିବାକୁ ନିଷ୍ପତ୍ତି ନେଇସାରିଥାଏ  । ସେଥିପାଇଁ ଦୁଇଟି ଜାଗୁଆର ବମ୍ ଭର୍ତ୍ତି କରି ବାହାରି ସାରିଥାଏ  । ଠିକ୍ ଫାଇଟର ଜେଟ ଟାର୍ଗେଟ ଫିଲଅପ୍ କରିବା ବେଳକୁ ଲେଜର ବାସ୍କେଟରୁ ବାହାରକୁ ବାହାରି ଯାଇଥିଲା ବମ  । ଯାହା ଫଳରେ ସଠିକ ସ୍ଥାନରେ ପଡି ପାରିନଥିଲା ବମ  । ଆଉ ଯଦି ସେଦିନ ସେହି ଟାର୍ଗେଟ ପ୍ଲେସରେ ଭାରତୀୟ ବାୟୁସେନା ବମ ପକାଇଥାନ୍ତା  । ତେବେ ପାକିସ୍ତାନ ହରାଇଥାଆନ୍ତା ପ୍ରଧାନମନ୍ତ୍ରୀ ଓ ସେନା ମୁଖ୍ୟ  ।

ସତ ମାନିଥିଲା ପାକିସ୍ତାନ

ଯେଉଁ  ସ୍ଥାନକୁ ଭାରତୀୟ ବାୟୁସେନା ଟାର୍ଗେଟ ସେଟ୍ କରିଥିଲା  । ସେଦିନ ସେହି ସ୍ଥାନଦରେ ପାକିସ୍ତାନର ତତ୍କାଳୀନ ପ୍ରଧାନମନ୍ତ୍ରୀ ଏବଂ ସେନାମୁଖ୍ୟ ପରଭେଜ ମୁଶାରଫ ଉପସ୍ଥିତ ରହିଥିଲେ  । ଏହି ଘଟଣାର ସତ୍ୟତା ପରବର୍ତ୍ତୀ ସମୟରେ ଖୁଲାସା ହୋଇଥିଲା  । ଯେତେବେଳେ ପାଇଲଟ ଟାର୍ଗେଟ ସେଟ କରିଥିଲେ, ସେତେବେଳେ ଉକ୍ତ ପାଇଲଟଙ୍କୁ ଜଣା ନଥିଲା ଯେ ସେ ସ୍ଥାନରେ ପରଭେଜ ମୁଶାରଫ ଏବଂ ନୱାଜ ସରିଫ ଉପସ୍ଥିତ ରହିଥିଲେ  । ପରବର୍ତ୍ତୀ ସମୟରେ ପାକିସ୍ତାନ ଗଣମାଧ୍ୟମରେ ପ୍ରକାଶ ପାଇଥିଲା, ୨୫ ଜୁନ ୧୯୯୯ ରେ ନୱାଜ ସରିଫ ଗୁଲଟେରୀରେ ରହିଥିଲେ  । ଯେଉଁଠି ପାକିସ୍ତାନ ସେନାକୁ ସମ୍ବୋଧିତ କରୁଥଲେ ଏବଂ ଭାରତ ସହ ଯୁଦ୍ଧ ସ୍ଥିତିକୁ ସମାପ୍ତ କରିବାକୁ ଅପିଲ କରୁଥିବା ପାକିସ୍ତାନ ମିଡିଆରେ ପ୍ରକାଶିତ ହୋଇଥିଲା  ।

୧୯୬୫ ଓ ୧୯୭୧ ଦୁଇଟି ଯାକ  ଯୁଦ୍ଧରେ ପାକିସ୍ତାନର ସେନା କମାଣ ସମ୍ଭାଳୁଥିଲେ ମୁଶାରଫ  । ଦୁଇଟି ଯାକ ଯୁଦ୍ଧରେ ମାଟି କାମୁଡି ତଳେ ପଡିଥିଲା ପାକିସ୍ତାନ  । ପ୍ରତିଶୋଧ ପରାୟଣ ମୁଶାରଫ ରାଗରେ ଜଳୁଥିଲେ  ।   ଶେଷରେ ୧୯୯୯ ରେ ବି ମୁାଫ ରଚିଥିଲେ ଯୁଦ୍ଧ ଷଡ଼ଯନ୍ତ୍ର  । ନୱାଜ ସରିଫକୁ ମୋହରା ସଜାଇ ଯୁଦ୍ଧ ଲଢୁଥିଲେ ମୁଶାରଫ  । ପ୍ରତିଶୋଧର ଯୁଦ୍ଧ ବି ପାଣି ଫାଟିଥିଲେ  । ଭାରତୀୟ ସେନାର ସାହସିକତା ଆଗରେ ମୁଣ୍ଡ ନୁଆଁଇଥିଲା ପାକିସ୍ତାନ ।