ବିଚ୍ ରାସ୍ତାରେ ମହିଳାଙ୍କୁ ହାଣିଲେ ଦୁର୍ବୃତ୍ତ, ଚିକିତ୍ସାଧୀନ ଅବସ୍ଥାରେ ମୃତ୍ୟୁ

ଉଦଳା: ବିଚ୍ ରାସ୍ତାରେ ମହିଳାଙ୍କୁ ହାଣିଦେଲେ । ବସରୁ ଓହ୍ଲାଇ ସମ୍ପର୍କୀୟଙ୍କ ଘରକୁ ଯାଉଥିବା ବେଳେ ହଠାତ କେହି ଦୁର୍ବୃତ୍ତ ଆସି ମହିଳାଙ୍କୁ ହାଣି ଦେଇ ଚାଲିଗଲେ । ଏଭଳି ଘଟଣା ଘଟିଛି କପ୍ତିପଦା ଥାନା ଜୁନପାଳ ଗାଁ ଛକରେ । କଣ୍ଟାଗଡ଼ି ଗ୍ରାମର ପଦ୍ମିନୀ ପ୍ରଧାନ ଉଦଳାରୁ କାମ ସାରି ବସ୍ ଯୋଗେ ଜୁନପାଳସ୍ଥିତ ସମ୍ପର୍କୀୟ ଘରକୁ ଯିବା ନିମନ୍ତେ ବସରୁ ଓହ୍ଲାଇଥିଲେ । ଏହି ସମୟରେ ହଠାତ କେହି ଦୁର୍ବୃତ୍ତ ଆସି ମହିଳାଙ୍କୁ ହାଣି ଦେଇ ଚାଲିଯାଇଥିଲେ ।

ମହିଳାଙ୍କ ମୁଣ୍ଡରେ କୌଣସି ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ ଦୁର୍ବୃତ୍ତ । ପଦ୍ମିନୀ ଗୁରୁତର ଅବସ୍ଥାରେ ରାସ୍ତାରେ ପଡ଼ିଥିବା ବେଳେ ସ୍ଥାନୀୟ ଲୋକେ ଉଦ୍ଧାର କରି ଚିକିତ୍ସା ପାଇଁ ଉଦଳା ଡାକ୍ତରଖାନାରେ ଭର୍ତ୍ତି କରିଥିଲେ । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତେବେ କିଏ ଏବଂ କାହିଁକି ପଦ୍ମିନୀଙ୍କୁ ହାଣି ହତ୍ୟା କରିଲା ତାହା ଏବେ ପୋଲିସ ତଦନ୍ତ କରୁଛି । ତେବେ ଏହି ହତ୍ୟାକାଣ୍ଡ ପଛର କାରଣ ଅସ୍ପଷ୍ଟ ରହିଛି ।