ସନ୍ଧ୍ୟାରେ କଳି, ସକାଳୁ ମର୍ଡର; ଗାଁ ଦାଣ୍ଡରେ ପଡ଼ିଛି ରକ୍ତାକ୍ତ ମୃତଦେହ
ନୟାଗଡ଼: ଜିମ ବିବାଦକୁ ନେଇ ବୀଭତ୍ସ ହତ୍ୟା । ନୟାଗଡ଼ ଜିଲ୍ଲା ଇଟାମାଟି ଥାନା ବାଉଁଶିଆପଡ଼ା ଗାଁରେ ବୀଭତ୍ସ ହତ୍ୟାକାଣ୍ଡ ଘଟିଛି । ଜମିଜମା ବିବାଦକୁ ନେଇ ଭୋରରୁ ଜଣଙ୍କୁ ହତ୍ୟା କରାଯାଇଥିବା ନେଇ ଅଭିଯୋଗ ହୋଇଛି । ଗାଁ ଦାଣ୍ଡରେ ପଡ଼ି ରହିଛି କ୍ଷେତ୍ରବାସୀ ମହାପାତ୍ରଙ୍କ ମୃତଦେହ । ଇଟାମାଟି ଥାନା ପୋଲିସ ହତ୍ୟା ଅଭିଯୋଗର ତଦନ୍ତ କରୁଛି ।
ଗତକାଲି ଗାଁର କ୍ଷେତ୍ରବାସୀ ମହାପାତ୍ର ଓ ଜଗବନ୍ଧୁ ମହାପାତ୍ରଙ୍କ ମଧ୍ୟରେ ଜମିକୁ ନେଇ ଝଗଡ଼ା ହୋଇଥିଲା । ଉଭୟେ ହାତାହାତି ହୋଇଥିଲେ । ଗ୍ରାମବାସୀଙ୍କ ହସ୍ତକ୍ଷେପ ପରେ ଶାନ୍ତ ପଡ଼ିଥିଲା କଳି । ଭୋର୍ ପ୍ରାୟ ୪ଟା ସମୟରେ କ୍ଷେତ୍ରବାସୀ ପରିସ୍ରା ଲାଗି ବାହାରକୁ ଆସିଥିଲେ । ସେତେବେଳେ ତାଙ୍କୁ କେହି ହତ୍ୟା କରିଛି ।
