୨ ଭାଇଙ୍କୁ ବିଚ୍ ରାସ୍ତାରେ ଗୋଡାଇ ଗୋଡାଇ ହାଣିଲେ

ଖୋର୍ଦ୍ଧା: ଖୋର୍ଦ୍ଧା ରାଜସୁନାଖଳା ସାନକୁମାରୀ ଛକରେ ହତ୍ୟାକାଣ୍ଡ । ୨ ଭାଇଙ୍କୁ ବିଚ୍ ରାସ୍ତାରେ ଗୋଡାଇ ଗୋଡାଇ ହାଣିଲେ କିଛି ଯୁବକ । ସାନଭାଇ ବିପିନ ଓରଫ ପଞ୍ଚାନନ ରାଉତଙ୍କ ମୃତ୍ୟୁ ହୋଇଥିବା ବେଳେ ବଡ଼ଭାଇ ବିକ୍ରମ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି ହୋଇଛନ୍ତି  । ହତ୍ୟାର କାରଣ ଅସ୍ପଷ୍ଟ ଥିବା ବେଳେ ପୂର୍ବ ଶତ୍ରୁତାରୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ସୂଚନା ଅନୁସାରେ ସାନକୁମାରୀ ଛକରେ କିଛି ଦୁର୍ବୃତ୍ତ ହଠାତ୍ ୨ ଭାଇଙ୍କୁ ଆକ୍ରମଣ କରିଥିଲେ । ରକ୍ତ ଜୁଡୁବୁଡ଼ୁ ଅବସ୍ଥା ସାନ ଭାଇ ବିପିନ ପଡ଼ିଥିବା ବେଳେ ଲୋକ ବାଙ୍କୋଇ ଫାଣ୍ଡିରେ ସୂଚନା ଦେଇଥିଲେ । ପୋଲିସ ବିପିନଙ୍କୁ ଉଦ୍ଧାର କରି ଖୋର୍ଦ୍ଧା ମେଡିକାଲରେ ଭର୍ତ୍ତି କରିଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।

ସେପଟେ ଗୁରୁତର ଅବସ୍ଥାରେ ବଡ଼ଭାଇ ବିକ୍ରମକୁ ରାଜସୁନାଖଳା ମେଡିକାଲରେ ଭର୍ତ୍ତି କରାଯାଇଛି । ଆକ୍ରମଣକାରୀ ଯୁବକ ଫେରାର ଥିବା ବେଳେ ବୋଲଗଡ଼ ପୋଲିସ ଘଟଣାର ତଦନ୍ତ ଜାରି ରଖିଛି ।