ପାରିବାରିକ କଳହରୁ କରୁଣ ପରିଣତି, କାକାକୁ ହତ୍ୟା କଲା ପୁତୁରା

କଳାହାଣ୍ଡି: ସମ୍ପତ୍ତି ପାଇଁ କାକାକୁ ହତ୍ୟା କଲା ପୁତୁରା । ଏଭଳି ଅଭାବନୀୟ ଘଟଣା ଘଟିଛି କଳାହାଣ୍ଡି ଜିଲ୍ଲା କେସିଙ୍ଗା ସହରରେ । କେସିଙ୍ଗାର ଭୂଷଣ ପ୍ରସାଦ କଶ୍ୟପ ଗତ ୧୨ ତାରିଖରୁ ନିଖୋଜ ଥିଲେ । ତେବେ ଆଜି ତାଙ୍କ ମୃତଦେହ ମଶାଣିମୁଣ୍ଡା ମଦଭାଟି ନିକଟରୁ ମିଳିଛି । ପରିବାର ଲୋକଙ୍କ ଅଭିଯୋଗ ଆଧାରରେ ପୋଲିସ ତଦନ୍ତ କରି ଭୂଷଣଙ୍କୁ ହତ୍ୟା ଅଭିଯୋଗରେ ତାଙ୍କ ପୁତୁରା ଦୌଲତ କଶ୍ୟପକୁ ଗିରଫ କରିଛି । ପୁତୁରା ଦୌଲତ କଶ୍ୟପ ଦୋଷ ସ୍ୱୀକାର କରିବା ପରେ ତାକୁ କୋର୍ଟ ଚାଲାଣ କରାଯାଇଛି ।

ପୈତୃକ ସମ୍ପତ୍ତିକୁ ନେଇ ବିବାଦରୁ ହତ୍ୟାକାଣ୍ଡ ଘଟିଥିବା କେସିଙ୍ଗା ପୋଲିସ ସୂତ୍ରରୁ ଜଣାପଡ଼ିଛି । ଇଟା କିମ୍ବା ପଥରରେ ମୁହଁକୁ ଛେଚି ଓ ବେକରେ ଛିଡ଼ା ହୋଇ ହତ୍ୟା କରାଯାଇଥିବା ସୂଚନା ଦେଇଛି ପୋଲିସ ।